Sonymen qatar, áıgili ónerpaz Kenen Ázirbaevtyń týǵan jeri Kenen aýylynyń da jaı-kúıine qanyqty. Búginde aýyl turǵyndary úshin basty másele – taza aýyz sýdyń tapshylyǵy. Bul máseleni sheshý úshin 132 mıllıon teńgege 16 shaqyrymdyq sý qubyry tartylýda eken. Onyń ishinde úsh shaqyrym syrtqy sý ótkizgish jáne 13 shaqyrym ishki jelilerdi quraıdy. Qazirgi ýaqytta 9 shaqyrym boıynsha qubyr tartý jumystary aıaqtalǵan. Sondaı-aq, aýyldaǵy otbasylyq dárigerlik ambýlatorııada 20 kelýshige 1 dáriger jáne 8 medbıke qyzmet kórsetedi eken. Kenendik jastar irgeles jatqan Almaty qalasyna kóptep ketetindikten, munda búginde týý kórsetkishi tómendeýde. Sol sııaqty 600 oryndyq E.Qashaǵanov atyndaǵy №42 mektepte búginde tek 509 oqýshy bilim alýda ekeni de aıtyldy. Atalǵan bilim oshaǵy 2014 jyly paıdalanýǵa berilgen. О́tken jylǵy qorytyndy boıynsha mektepiń 2 túlegi «Altyn belgige» ıe bolsa, bıyl 4 bitirýshi úmitker atanýda. Berdibek Saparbaev kabınetterdi aralap, 100 oryndyq ashana jáne joǵary ınternetpen qamtylǵan kitaphanamen tanysty. «Balalardyń boıyna ulttyq salt-dástúr men qundylyqtar negizin sińirip, rýhanı-adamgershilik turǵysynda tárbıeleýge erekshe nazar aýdarý qajet. Ásirese, Kenendeı uly tulǵa týǵan aýylda buǵan aıryqsha den qoıa bilgen durys», dedi ákim.
Jergilikti turǵyndarmen kezdesý barysynda Berdibek Saparbaev aýdanda aýyz sý máselesi sheshilip jatqanyn, kóshelerdi jóndeý, jaryqtandyrý jumystary jalǵasatynyn atap ótti. Bes aýyl gazdandyrylyp, shaǵyn sý qoımalary salynady. Sonymen qatar, ákim kópshiliktiń áıgili Ańyraqaı shaıqasynyń ornyna memorıaldyq keshen salý týraly usynysyn qoldaıtynyn jetkizdi. Berdibek Saparbaev bıologııalyq qaýipsizdik máselelerin ǵylymı-zertteý ınstıtýtyna da arnaıy bardy. Ǵalymdar búginde densaýlyq saqtaý jáne veterınarııa salasyndaǵy túrli ınfeksııalar men kúreske aıtýly úles qosyp otyr. Jyl saıyn qaýipti jáne asa qaýipti ınfeksııalarǵa qarsy 27 mıllıonnan astam ekpeni jetkizedi eken. Sondaı-aq, olar Dúnıejúzilik densaýlyq saqtaý uıymymen, AQSh aýrýlardyń aldyn alý jáne baqylaý ortalyǵymen, Halyqaralyq Vena ýnıversıtetimen jáne basqa da bedeldi uıymdarmen tyǵyz baılanysta jumys isteıdi. Zertteý ınstıtýty sheteldik analogtarmen salystyrǵanda úsh ese arzan bolatyn nodýlıarlyq dermatıtke qarsy vaksınany ázirlegen. Ony engizý nátıjesinde respýblıkalyq bıýdjet 2 mıllıard teńgege únemdelgen. Sonymen qatar, ǵalymdar búginde koronavırýsqa qarsy vaksına daıyndaýmen aınalysýda.
«Qazaqstan Prezıdentiniń osyndaı ǵylymı ortalyqtardy qoldaý týraly tapsyrmasy bar. Sońǵy oqıǵalar halyqtyń qaýipsizdigi men densaýlyǵy máselesin ǵana emes, olardyń qanshalyqty mańyzdy ekenin de kórsetti. Sizderdiń jumystaryńyz el ekonomıkasynyń damýyna úlken úles qosady, kez kelgen ýaqytta týyndaýy múmkin ártúrli pandemııa zardaptaryn azaıtady. Álem jahandanýda jáne qysqarýda, adamdar aýrýdyń eshkimdi aıamaıtynyn túsindi. Bul jaǵdaıda Qazaqstan jahandyq syn-qaterlerge jedel jaýap bere alatyn ózindik ǵylymı ortalyqtardyń júıesin qurýǵa tıis. Oblystyq bılik zaýyttyń qurylysyna mindetti túrde qoldaý kórsetedi», dedi Berdibek Saparbaev. Sondaı-aq, ol Otar aýylyndaǵy №41 mektepke baryp, 1979 jyldan beri jóndeý kórmegen bilim oshaǵyna kúrdeli jóndeý jumystaryn júrgizýge kómektesýge ýáde berdi. Jáne 5 myńnan astam turǵyny bar aýyldyń óz Mádenıet úıiniń joqtyǵyn aıtyp, «Biz mindetti túrde munda Mádenıet úıin salý kerekpiz», dedi.
Aǵymdaǵy jyly Qordaı aýdanyndaǵy joldardy jóndeýge jáne salýǵa jergilikti bıýdjetten 1 mıllıard teńgeden astam qarjy bólinip, 352 shaqyrymnan astam jol qalpyna keltiriledi. Búginde keıbir ortasha jóndeý jumystary aıaqtalǵan. Máselen, Muzbel aýylyna kireberistegi joldyń 2 shaqyrym bóligi paıdalanýǵa berilgen. Berdibek Saparbaev tapsyrys berýshiden jáne aýdandyq ákimdiktiń turǵyn úı-kommýnaldyq sharýashylyq bólimi tarapynan tıisti zerthanalardy tarta otyryp, asfalt sapasyn muqııat tekserýdi talap etti. Sonymen qatar ákim jobalyq quny 197 mıllıon teńgeni quraıtyn «Alǵa-Kókadyr» avtojolynyń 9 shaqyrymyna ortasha jóndeý jumystaryn júrgizip jatqan merdiger kompanııa «ArsıkoStroıInvest» JShS-ne de bul týraly eskertti. Sondaı-aq, ákim táýligine 1000 tonnaǵa deıin qurylys materıaldaryn shyǵaratyn kásiporyn betondy asfalt zaýytynda da boldy. О́ndiris orny tapsyrys bolsa budan da kóp ónim mólsherin óndire alady. Jylyna 1500 tonna granıt shyǵarýǵa qýatty «Tehnogranıt-KZ» JShS-inde de tapsyrys boıynsha qıyndyqtar kezdesýde. Sondaı-aq, kompanııada zamanaýı qondyrǵylarmen jumys isteı alatyn bilikti mamandar tapshy. Sonymen qatar, Berdibek Saparbaev Qalǵuty aýylyndaǵy jańa mekteptiń qurylys jumystary óte baıaý júrgizilip jatqanyn synǵa aldy. Jumystyń 21 paıyzy ǵana aıaqtalǵan. Al, qurylys belgilengen merzimde tapsyrylýy kerek. Berdibek Saparbaev mektep qurylysynyń jańa oqý jylynyń basynda daıyn bolýyn qatań talap etip, qurylys jumystarynyń sapaly júrgizilý kerektigin eskertti. Sondaı-aq, Áljan ana aýylynda «Samuryq-Qazyna Trast» qorynyń qarajaty esebinen júrgiziletin dene shynyqtyrý-saýyqtyrý kesheni qurylysynyń jobasymen de tanysty. Áljan ana aýylyndaǵy №23 mektepte kúrdeli jóndeý jumystary júrgizilýde. Oǵan 40 adam tartylǵan. «Memleket tarapynan bir ǵana Áljan ana aýylynyń máselelerin sheshýge mıllıardtan astam qarjy bólindi. Biz bul qarajatty tıimdi jáne eń bastysy jergilikti turǵyndardyń ıgiligi úshin paıdalanýymyz kerek. Qarjy qarastyryldy, endigi basty másele – ony qalaı durys jumsaý jaıy. Bul birinshiden, josparlanǵan jobalarǵa muqııat qaraýdy qajet etedi. Ekinshiden, olar el ıgiligi úshin jumsalýy tıis», dedi Berdibek Saparbaev. Sonymen qatar, ákim Masanshy, Qarakamer jáne Aýqatty aýyldaryn aralap, ondaǵy áleýmettik nysandardyń qurylysymen, jol ınfraqurylymymen tanysyp, jergilikti turǵyndarmen kezdesti.
Jambyl oblysy
