Oblys ortalyǵyn abattandyrýmen qatar 200-den asa kóshege ortasha jáne kúrdeli jol jóndeý jasalady. Alpys segiz kóshege jaıaý júrginshiler joly salynady. Otyz oıyn alańy salynyp, 70 aıaldama ornatylady, tozyǵy jetken aýyz sý jáne káriz sý jelileri jóndeledi.
Qyzylorda-Jezqazǵan trassasy boıynan boı kóteretin 600 oryndyq mektep qaladaǵy bilim nysandarynyń sanyn arttyrmaq. Sonymen qatar, 4 mektep pen 2 balabaqsha qaıta jańǵyrtý men kúrdeli jóndeý jumystarynan ótedi. Buǵan qosa, 3 mádenıet nysany jańartylady.
Bıyl 200-den asa kóshe jóndeledi. Olardyń sapasyna basa mán beriledi. Osy úshin qala ákiminiń tapsyrmasymen arnaıy halyqtyq baqylaý toby qurylǵan,- dedi qala ákiminiń orynbasary Erlan Berdibaev.
Qala ákiminiń taǵy bir orynbasary Bektas Nurıdınov joba aıasynda jyl kóleminde jumyspen qamtý ortalyǵy arqyly 4523 adam turaqty jumyspen qamtylatyndyǵyn atap ótti.
Bul baǵdarlama aıasynda jumys izdeýshi azamattar úshin qalalyq jumyspen qamtý ortalyǵy mobıldi top jumysyn uıymdastyryp, mekenjaılarda jumysqa ornalasý joldaryn túsindirý baǵytynda jumystar júrgizýdi qolǵa alǵan.
