Aımaqtar • 09 Maýsym, 2020

Bazardaǵylar tym beıqam

21 ret kórsetildi

Koronavırýs indetiniń taralýyna baılanysty elimizde en­gi­zil­gen tótenshe jaǵdaıǵa oraı Jambyl oblysyndaǵy saý­da oryndary, bazarlar óz jumysyn toqtatqan bolatyn. Ásirese Taraz qalasyndaǵy saýda núktelerine baqy­laý ju­mys­tary kúsheıtildi. Jýyrda jazǵy qoǵamdyq t­amaq­ta­ný oryndary, shashtaraz, sulýlyq salony, keıbir saýda núkteleri sııaqty birqatar nysanǵa jumysyn bastaýǵa ruqsat berilgen edi. Alaıda karantın rejimin qatań saqtaý, tur­ǵyndardyń qaýipsizdigin meılinshe qamtamasyz etýge tıis bolatyn. Tekserý jumystarynyń nátıjesinde kóptegen ny­sanda qaýipsizdik erejeleri saqtalmaǵany anyqtaldy.

Qaladaǵy Baýyrjan Mo­mysh­­uly kóshesiniń boıynda orna­lasqan saýda oryndaryna reıd júrgizilip, zerdeleý ju­­mystarynyń nátıjesinde kóp­­tegen jaǵdaıda karantın ta­lap­tary saqtalmaǵan bolyp shyq­ty. Karantın talaptaryn saq­tamaǵan azamattarǵa qalalyq ákimdik tarapynan hattama tol­ty­­rylyp, zań aıasynda shara qol­da­nyldy.

Sol sııaqty «Myńbulaq», «Dıana», «Aırylmas», «Za­rına» jáne «Gaýhar» saýda orta­lyq­taryna da reıd jasalyp, munda da karantın talaptaryn saqtamaǵan azamattar áshkerelendi. Iаǵnı saýda jasaýda negizgi talaptar saqtalmaǵan.

Qazir óńirdegi blok-beket­ter alynyp, birqatar saýda núk­te­le­rine jumys isteýge ruqsat be­ril­di. Oblystaǵy eń úlken saýda nysany bolyp sanalatyn Taraz qalasyndaǵy «Aýyl – Bereke» bazaryndaǵy jemis-kók­ónisterdiń, qu­ry­lys materıalda­ry men aýyl­sha­rýa­shy­lyq ónimderiniń kóterme saý­da sektory da jumys istep tur. Degenmen ruqsat berilgen saýda núktelerinde de karantın talaptary, jalpy qaýipsizdik ta­lap­tary tolyq saqtalmaı otyr.

Jýyrda oblys ákimi Berdi­bek Saparbaev atalǵan bazar aýma­ǵynda bolyp, birqatar ma­ńyz­dy máselelerge toqtalǵan bo­latyn. Osy ýaqytqa deıin ákim bazar aýmaǵyn retke kel­­­tirýdi, saýda oryndaryn jaq­­­sartýdy, yńǵaıly jaǵ­daı jasaý máselelerine nazar aýdarýdy tapsyrǵanymen, bú­­­ginge deıin bul nusqaýlar to­­l­yǵ­ymen oryndalmaǵan. B.Saparbaev bazarda jaıly saý­da pavılondarynyń joq­ty­ǵyn, tipti keıbir satý­shy­lar­­dyń jerde saýda jasap otyr­­ǵanyn, oǵan qosa kólik qu­ral­­darynyń bazardaǵy retsiz qozǵa­lysy órt qaýpin týdyratynyn aıtyp, bazar jumysyn synǵa alǵan edi. «Sanıtarlyq-epıdemııalyq talaptardyń saq­tal­ýy da oıdaǵydaı emes. Sa­tý­shylar da, satyp alýshylar da betperde kımeıdi. Adam­dar arasyndaǵy áleýmettik ara­qa­shyqtyq saqtalmaıtynyn kó­rip otyrmyz. Naryq qyz­met­­kerleri azyq-túliktik emes sektordaǵy jumysty qaıta bas­taýdy suraýda. Alaıda bazar ákimshiligi qajetti sanıtarlyq ta­lap­tardy saqtamaı otyr. Tıisti shara qabyldańyzdar, so­dan keıin ǵana bazardy to­lyq ashý týraly aıtýǵa bolady», degen B.Saparbaev bazar bas­shylyǵyna biraz eskertý jasady.

Bul tek «Aýyl – Bereke» bazaryna ǵana qatysty syn emes. Budan bólek, Taraz qalasynda «Ortalyq» jáne «Atakent» syndy bazarlardyń kópshiliginde mindetti sanıtarlyq, karan­tın­dik jáne órtke qarsy talaptar oryndalmaǵan. О́rt bola qalǵan jaǵdaıda oqıǵa orn­yna órtke qarsy qyzmet teh­nıkasynyń jetýi de ba­s­ty másele. Oblystyq taýarlar men qyzmetterdiń sapasyn jáne qaýipsizdigin baqylaý departamentiniń basshysy Berik Jarqynbekov bazarlardyń birde-biri arnaıy bekitilgen ta­lap­tarǵa sáıkes kelmeıtinin aıtady. «Adamdar maskasyz júr. Sanıtarlyq tazalaǵyshtar joq. Araqashyqtyq saqtalmaıdy», deıdi ol.

Bazar halyq kóp shoǵyr­la­natyn oryn bolǵandyqtan, munda qaýipsizdik sharalarynyń qatań saqtalýy mańyzdy. Bú­gin­de óńirde blok-beketterdiń alynǵany, keıbir nysandardyń jumysyn bastaýyna ruqsat berilgeni indettiń tolyǵymen jo­ıylǵanyn bildirmeıdi. Son­dyq­tan da jergilikti ha­lyq­tyń qaýipsizdigi úshin karantın talaptarynyń ásirese bazarlarda tolyǵymen saqtalýy mańyzdy másele bolyp tur.

 

Jambyl oblysy

 

Sońǵy jańalyqtar

ShQO-da turǵyndar evakýasııalandy

Aımaqtar • 09 Sáýir, 2021

Tasqyn qaýpi áýeden zertteldi

Aımaqtar • 09 Sáýir, 2021

Almatyda taý baýraıy otqa orandy

Aımaqtar • 09 Sáýir, 2021

Qazaqstandyq vaksına qashan daıyn bolady?

Qazaqstan • 09 Sáýir, 2021

Almatyda karantın kúsheıtile me?

Koronavırýs • 09 Sáýir, 2021

Uqsas jańalyqtar