«Tolyq adam» ilimi mektepterde oqytylmaq

О́skemendegi «Abaıtaný» ǵylymı-zertteý ınstıtýtynyń dırektory Aıjan Kartaeva moderatorlyq etken konferensııany ýnıversıtet rektory Muhtar Tólegen kirispe sózimen ashyp, abaıtanýdyń bilgiri, kórnekti ǵalym Mekemtas Myrzahmetulyn 90 jasqa tolǵan mereıtoıymen qut­tyqtap, qurmettep sóz kezegin usyn­dy. Me­kemtas Myrzahmetuly Abaı­dyń Ba­tysynan Shyǵysy basym ekendigin naqty tujyrymdarmen dáleldeı otyryp aqynnyń «Tolyq adam» ilimine keńinen toqtaldy. Ǵa­lymnyń pikirinshe, bul eńbekti tek qazaq halqy emes, aldymen túrki álemi, keıin búkil Eýropa izdep júrip oqıtyn bolady. Túrkııanyń Fyrat ýnıversıtetiniń professory Erjan Alkaııa «Uly Abaı túrki áleminde» taqyrybynda tushymdy baıandama jasap, Abaı Qu­nanbaıulynyń túrki álemi áde­bıetindegi orny týraly sóz qozǵady. Túrkııadaǵy hákim atyndaǵy mektep­ter, kósheler, saıa­baqtar men eskertkishter, ómiri men shyǵarmashylyǵy týraly jaryq kór­gen kitaptar, jazylǵan dıssertasııa­lar men maqalalardy tanys­tyrdy. Búginde Nıderland elinde tu­ratyn PhD doktor, professor Zıfa Muratqyzy Áýezova Abaı óleńderi men ánderiniń aǵylshyn tiline aýdarylýy jaıyn sóz etti. Ǵalymnyń aıtýynsha, uly aqyn shyǵarmalaryn ózge tilderge aýdarǵanda orys tiline qaraǵanda, túp­­nusqamen jumys isteý qazaq ıaǵnı tilindegi nusqasyn aýdarý tıimdi. Pol­shanyń Varshava ýnıversıtetiniń saıası ǵylymdar jáne halyqaralyq qatynastar fakýltetiniń doktaranty Jandos Qarynbaev «Qunanbaı áýleti jáne polıak zııalylary: kópqyrly baılanystardyń jylnamasyna sho­lý» taqyrybynda baıandama oqyp, sol eldegi qazaqtarǵa, sonyń ishinde Shyǵys Qazaqstanǵa, Qunanbaı áýle­tine qatysty jınaqtalǵan derekterdi kó­rermen nazaryna usyndy.

О́SKEMEN