Parlament • 12 Maýsym, 2020

Májilis depýtattary koronavırýsqa test tapsyrdy

190 ret kórsetildi

Májilis koronavırýstyq ınfeksııanyń taralmaýy úshin barlyq qajetti sharalardy qabyldaýda. Alaıda, koronavırýstyq ınfeksııany anyqtaýǵa arnalǵan test Májilis depýtattarynyń birinde oń nátıje kórsetti. Bul týraly Májilistiń baspasóz qyzmeti habarlady.

Qazirgi ýaqytta Májilis depýtaty Bekbolat Tileýhannan koronavırýstyq ınfeksııa anyqtalyp, ol qajetti emdeý kýrsyn qabyldaýda. Májilis depýtaty ınfeksııa anyqtaǵanǵa deıin qashyqtan jumys isteý rejıminde bolǵan. Búgingi tańda depýtattyq korpýstan da, Apparat qyzmetkerlerinen de atalǵan aýrý belgileri anyqtalǵan joq.

Depýtattarǵa karantınniń alǵashqy kúnderinen bastap, Májilis ǵımaratynda jalpy otyrys kúnderi, sondaı-aq negizgi zań jobalary boıynsha komıtetter men jumys toptarynyń otyrystarynda ǵana kelýge keńes berildi.Osy turǵyda, jasy 65-ten asqan Májilis depýtattary qashyqtyqtan jumys isteý rejımine ótti. Barlyq jalpy otyrystar onlaın rejıminde taratylýda. Jumys toptarynyń jetekshileri zań jobalary boıynsha jumysty baılanystyń qazirgi túrleri aýdıo-vıdeo konferensııalar, konferensııalyq qońyraýlar jáne t.b.arqyly uıymdastyrýda. Májilis ǵımaratynda karantınniń alǵashqy kúnderinen bastap koronavırýstyq ınfeksııanyń taralýyn boldyrmaıtyn saqtyq sharalary engizildi.

Epıdemıologııalyq baqylaý úshin ǵımarattyń kireberisteri medısınalyq jylý ólshegishter jáne antıseptıkalyq zattarmen jabdyqtalyp, ǵımarat dezınfeksııalyq quraldarmen óńdelip, maskalyq tártip qatań saqtalýda. Sondaı-aq, apparat qyzmetkerleri arasyndaǵy áleýmettik qashyqtyq ornatylyp, olardyń 80%-y qashyqtaǵy jumys tártibine aýysty.

Sonymen qatar, jalpy otyrysqa qatysatyn Májilis depýtattary jáne apparat qyzmetkerleri únemi koronavırýstyq ınfeksııaǵa qarsy testter tapsyrady.

Sońǵy jańalyqtar

Elordada gazel avtokóligi janyp ketti

Elorda • Búgin, 12:18

Uqsas jańalyqtar