Joǵarydaǵy jańalyqqa qazaqstandyq jankúıerler beker qýanyp otyrǵan joq. Sebebi, 49 jastaǵy belarýssııalyq maman 2018-2020 jyldar aralyǵynda Qurlyqtyq hokkeı lıgasynda (QHL) Nur-Sultannyń "Barysyn" jattyqtyrdy. Aıtýly bapkerdiń jetekshiligimen jerlesterimiz Chernyshev dıvızıonynda eki ret top jaryp, Shyǵys konferensııasynda qatarynan ekinshi maýsym ekinshi oryndy ıelendi. Gagarın kýbogy jolyndaǵy jarysta eki ret shırek fınalǵa deıin jetti. Bıylǵy maýsymda ol kórsetkishti jaqsartýǵa da bolar edi, alaıdy koronavırýstyń kesirinen týrnır toqtatyldy.
Sóıtip, "Barystyń»" burynǵy bas bapkeri Andreı Skabelka Belarýstiń eń úzdik jattyqtyrýshysy bolyp tanyldy. Bul onyń úshinshi ret osy belesti baǵyndyrýy. Buǵan deıin Skabelka 2016 jáne 2019 jyldary dál sondaı ataqqa qol jetkizgen edi.
