Forýmdy AQSh-taǵy eń bedeldi analıtıkalyq ortalyqtardyń biri, belgili ǵalym Frederık Starr bastamasymen Ortalyq Azııa jáne Kavkaz Instıtýty, sondaı-aq amerıkalyq bedeldi Donald Ramsfeld qory uıymdastyrýda.
Is-sharanyń negizgi taqyryptary retinde koronavırýs pandemııasymen kúres, aımaqaralyq saýdany jáne kásipkerlikti damytý, sondaı-aq aımaqtyq qaýipsizdik máseleleri jáne sıfrlyq transformasııanyń negizgi aspektileri talqylanatyn bolady.
Qazaqstandyq taraptan elimizdiń AQSh-taǵy Elshisi Erjan Qazyhanov pen «Astana» Halyqaralyq qarjy ortalyǵynyń Basqarýshysy Qaırat Kelimbetov qatysýshylarǵa arnap iltıpat lebizin joldady.
Forým 19 maýsymǵa deıin jalǵasady, paneldik pikirtalastar kún saıyn onlaın rejımde ótedi. Paneldik sessııalardyń baǵdarlamasymen camcaforum.org saıtynda tanysýǵa bolady
Kelesi aımaqtyq forým 2021 jyly Almatyda ótedi dep kútilýde.
CAMCA dástúrli túrde aımaq elderi arasyndaǵy yntymaqtastyq pen ózara is-qımyldyń negizgi máselelerin talqylaý úshin resmı, ǵylymı jáne isker toptardyń, sondaı-aq qoǵamdyq uıymdardyń ókilderin qamtıdy.
