"QazMÚBBÝ" – Qazaqstannyń bilim berý naryǵynda sapaly medısınalyq bilim beretin, jarty ǵasyrdan asqan tarıhy bar bedeldi joǵary oqý orny. Kolledjdiń ashylýymen endi 9 jáne 11 synyp túlekteri medısına salasynda úzdiksiz bilim alý múmkindigine ıe bolady.
"Jańa kolledjdiń basqalardan ereksheligi - medısınalyq mamandardy daıarlaýda jyldar boıy ýnıversıtet negizinde jasalǵan teorııalyq jáne praktıkalyq tájirıbe qoldanylady. Atap aıtqanda, professorlik-oqytýshylar quramy, ýnıversıtettiń klınıkalyq bazalary bizdiń medısınalyq kolledjdiń de oqý-tárbıe prosesine engiziledi.
Sondaı-aq, bizdiń kolledjdiń túlekteri ózderiniń densaýlyq saqtaý salasynyń mamany retinde qalyptasýyndaǵy oqýyn ýnıversıtettiń kelesi deńgeıleri – bakalavrıat, ınternatýra, rezıdentýra, magıstratýra jáne doktorantýra deńgeılerinde jalǵastyra alady", – deıdi QazMÚBBÝ rektory Qaıyrjan Ábdihalyqov.
Oqý orny alǵashqy bilim alýshylardy 2020-2021 oqý jylyna qabyldaıdy.
Almaty
