Qazaqstan • 22 Maýsym, 2020

"Bek Eır" áýe kompanııasynyń paıdalanýshy sertıfıkaty keri qaıtaryldy

32 ret kórsetildi

IIDM Azamattyq avıasııa komıteti jáne Qazaqstannyń avıasııalyq ákimshiligi ushý qaýipsizdigin qamtamasyz etý aıasynda kelesi jumystardy júrgizdi. Bul týraly IIDM baspasóz qyzmetine silteme jasaı otyryp Egemen.kz habarlaıdy.

IIDM Azamattyq avıasııa komıteti jáne Qazaqstannyń avıasııalyq ákimshiligi ushý qaýipsizdigin qamtamasyz etý aıasynda kelesi jumystardy júrgizdi:

Qazaqstannyń avıasııalyq ákimshiligi buzýshylyqtardy joıý týraly nusqaýlyqtardy oryndamaýyna baılanysty  "Bek Eır" áýe kompanııasynyń paıdalanýshy sertıfıkaty keri qaıtaryp aldy.

Qazaqstan Respýblıkasy jáne IKAO Halyqaralyq azamattyq avıasııa uıymy zańnamasynyń talaptaryn oryndamaýyna baılanysty "Azee Air" JShS jáne "Sigma Airlines" JShS áýe kompanııalarynyń paıdalanýshy sertıfıkattary ýaqytsha toqtatyldy.

Tıimsiz iske asyrylǵan quqyq normalaryn anyqtaý jáne olardy jetildirý boıynsha usynystar qalyptastyrý arqyly zańnamanyń tıimdiligin baǵalaý jáne boljaý boıynsha jumystar júrgizilýde.

Osy maqsatta júkterdi tasymaldaýǵa arnalǵan áýe kemelerin tirkeýge jáne olardy keıin baqylaýǵa arnalǵan qosymsha sharttar anyqtaldy. Olar  "Qazaqstan Respýblıkasynyń keıbir zańnamalyq aktilerine ekonomıkalyq ósýdi qalpyna keltirý máseleleri boıynsha ózgerister men tolyqtyrýlar engizý týraly" Qazaqstan Respýblıkasy Zań jobasynyń tujyrymdamasyna engizilgen (Zańdy qabyldaýdyń kútiletin merzimi  2020 jyldyń 4 toqsany).

IKAO-ǵa múshe memleketterde ushý qaýipsizdigin baqylaý deńgeıi IKAO aýdıtiniń nátıjeleri boıynsha anyqtalady (aýdıt nemese valıdasııalyq mıssııa).

Aldyn ala aqparat boıynsha, Qazaqstanda IKAO aýdıti 2022 jyldyń birinshi jartyjyldyǵynda ótedi dep josparlanýda.

Qazaqstanda ushý qaýipsizdigi salasynda Halyqaralyq azamattyq avıasııa uıymynyń (IKAO) standarttary men usynylatyn praktıkasyn tıimdi engizý deńgeıin arttyrý úshin "Qazaqstan Respýblıkasynyń keıbir zańnamalyq aktilerine kólik máseleleri boıynsha ózgerister men tolyqtyrýlar engizý týraly" Qazaqstan Respýblıkasy Zańy jobasynyń tujyrymdamasy ázirlendi (Zańdy qabyldaýdyń kútiletin merzimi 2021 jyldyń 4 toqsany).

Sońǵy jańalyqtar

Aısberg aqıqaty

Ádebıet • Keshe

Joq kitapty izdeý

Ádebıet • Keshe

Krest-kedergi...

Ádebıet • Keshe

Zaısanda mal qyrylyp jatyr

Aımaqtar • Keshe

Uqsas jańalyqtar