"Kásipkerlikti qoldaý jáne damytý úshin iskerlik ahýaldy jaqsartý boıynsha birqatar shara qabyldandy. Bul salyqtyq jeńildikter, tekseristerdi qysqartý jáne nesıelendirýdi keńeıtý", deıdi Rýslan Dálenov.
Sondaı-aq Mınıstr jyl sońyna deıin ekonomıkalyq ósýdi qalpyna keltirýdiń keshendi jospary men bıznesti qoldaý boıynsha qosymsha sharalar qabyldanǵanyn aıtty. Bul baǵytta Arnaıy memlekettik komıssııa jumys istep jatqandyǵyn atap ótti.
2020 jylǵy 18 maýsymda Parlament iskerlik ahýaldy jaqsartý úshin zańnamalyq reformalar paketin qabyldady.
"Orta merzimdi perspektıvada kásipkerlik qyzmetti damytý úshin "jańa kún tártibi" jasalady. Shaǵyn jáne orta bıznesti odan ári damytý baǵyty Qazaqstannyń 2025 jylǵa deıingi jańa strategııalyq josparynda qarastyrylǵan", dep tolyqtyrdy Rýslan Dálenov.
Mınıstrliktiń málimetinshe, 2019 jyly shaǵyn jáne orta bıznestiń ekonomıkadaǵy úlesi 30,8% qurady. О́tken jyly shaǵyn jáne orta bıznes 31,2 trln teńgeniń ónimin óndirdi. Respýblıkada 3,4 mln adam shaǵyn jáne orta bıznes salasynda jumys isteıdi. Iskerlik ahýaldy jaqsartý boıynsha qabyldanǵan reformalar Qazaqstannyń Doing Business reıtıngisinde 25 orynǵa kóterilýine múmkindik berdi.
