"Apple sııaqty ımmıgranttar da árqashan bizdiń san alýandyǵymyzdan kúsh-qýat alatyn jáne amerıkandyq armannyń ózgerissiz qala beretindigine sendi. Ekeýi bolmasa, órkendeý bolmaıdy. Sondyqtan bul málimdemege qatty kóńilim qaldy", dep jazdy Kýk óziniń Twitter-degi jeke paraqshasynda.
Al Pıchaı óziniń blogynda: "Immıgrasııa Amerıkanyń ekonomıkalyq jetistigine edáýir úlesin qosty". Ony jahandyq tehnologııalar kóshbasshysy dep atap ótti. Google basshysy búgingi málimdemege kóńili tolmaıtynyn jáne kompanııa "ımmıgranttarǵa qoldaý kórsetýdi jáne barlyq múmkindikti qamtamasyz etý úshin jumys isteýdi jalǵastyramyz" deıdi kompanııa basshysy.
Maıkrosoft korporasııasynyń tóraǵasy Bred Smıt ta óziniń tvıtterdegi jazbasynda Tramptyń sheshimine túsinik bere otyryp: "Qazir álem talanttarynan bas tartatyn jáne alańdaýshylyq týǵyzatyn ýaqyt emes" dep atap ótti. Onyń aıtýynsha, kompanııada "ımmıgranttar mańyzdy ról atqarady" jáne "eldiń mańyzdy ınfraqurylymyn jasaqtaıdy" deıdi B.Smıt.
Buǵan deıin amerıkandyq Twitter kompanııasy AQSh-tyń jumys vızalaryna qatysty sheshimin synǵa alyp, Vashıngtonnyń bul sheshimi qysqa merzimde qaralǵandyǵyn jáne Amerıka Qurama Shtattarynyń ekonomıkalyq áleýetine nuqsan keltiretinin málimdegen edi.
