Onyń aıtýynsha, indetke shaldyqqan naýqastar atalǵan psıhologııalyq kómekti «1430» qosymshasyna tirkelip, onlaın túrinde alady.
"Bul "1430" mobıldi qosymshasynda bilikti psıhologtar toby jumys isteıdi. Mamandar koronavırýs ınfeksııasynan jazylyp shyqqan naýqastarǵa psıhologııalyq ońaltý jumystary boıynsha onlaın túrde keńes beredi. Atalǵan indettiń neırotoksıkalyq áseri bolǵandyqtan, naýqastyń boıynda úreı qalady. Sol sebepti kúızelisten aryltyp, qalypty ómirine beıimdeý úshin bul kómektiń mańyzdylyǵy erekshe", – dedi T.Varzılov.
Aıta keteıik, "1430" onlaın keńes berý mobıldi qosymshasy osy jyldyń 15 shildesinen bastap iske qosyldy. Búginde qosymshaǵa tirkelgen epıdemıolog, ınfeksıonıst, pýlmonolog syndy beıimdi mamandardan bastap, jalpy sany 692 dáriger halyqqa onlaın túrde óz qyzmetterin kórsetýde.
Atalǵan keńes tobyna habarlasyp jatqan naýqastardyń sany kúnnen-kúnge artyp, qashyqtyqtan konsýltasııalyq keńes berý jumystary qarqyndy júrýde.
