Qoǵam • 04 Tamyz, 2020

Maqtaaralda evakýasııalyq beketter edáýir azaıdy

27 ret kórsetildi

1 mamyr kúni О́zbekstan Respýblıkasyndaǵy "Sardoba" sý qoımasy apatqa ushyraǵannan soń Maqtaaral aýdanynda sý basý qaýpi týyndaǵan 13 eldi mekenniń turǵyndaryn evakýasııalaý týraly aýdan ákimi Baqyt Asanov sheshim qabyldap, jalpy sany 30 myńnan asatyn halyq bir túnniń ishinde kóshirildi. Onyń ishinde turǵyn sany 15 myńǵa jetetin aýdan ortalyǵy Myrzakent kenti de bar.

Osylaısha Myrzakentten Atakentke qaraı údere kóshken turǵyndardy jaıǵastyrý úshin Atakent kenti, Maqtaaral jáne Jambyl aýyldyq okrýgterinde jalpy sany 10 myń adamdy qabyldaı alatyn 24 evakýasııalyq beketter der kezinde uıymdastyryldy. Sondaı-aq qosymsha Jetisaı qalasynan 3 evakýasııalyq beket ashylyp, turǵyndar jappaı ornalastyryldy.

Evakýasııalyq beketterdi panalaýshylar tósek oryndarmen jáne 3 mezgil ystyq tamaqpen qamtamasyz etildi. Olarǵa Qazaqstannyń túrli oblystarynan kelgen jáne jergilikti jerdiń kásipkerleri tarapynan túrli kómekter berildi. Mektep jasyndaǵy oqýshylardyń sabaǵy da uıymdastyryldy. Sondaı-aq, sýdan japa shekke turǵyndardyń kóńilderin aýlaý maqsatynda túrli mádenı kópshilik is-sharalar ótkizilip, psıhologter tynbaı jumys istedi. Eń bastysy, beketterde karantın rejimi tolyqtaı saqtaldy.

1

Keıinnen sý baspaǵan eldi mekenderdiń turǵyndary óz úılerine qaıtaryldy. Al, sý basqan eldi mekenderdiń turǵyndary Tótenshe jaǵdaıdyń joıylýyna baılanysty úılerin qaıta turǵyzý úshin aýlasyndaǵy tapchan nemese ýaqytsha baspanalardy panalaýda. Sondaı-aq, kórshi eldi mekenderden páter jalǵa alyp, týysqandarynyń úıin panalap jatqan otbasylar da bar.

Osynyń áserinen búginde aýdanda 24 evakýasııalyq bekettiń 5-eýi ǵana qalyp otyr. Munda jalpy sany 341 azamat kún keshýde. Olar negizinen Jańaturmys, Jeńis, Fırdoýsı, О́rgebas eldi mekenderiniń turǵyndary.

Sońǵy jańalyqtar

Tórt klýb top bastap tur

Fýtbol • Búgin, 00:00

Ezop pen Abaı

Rýhanııat • Keshe

Shyndyq pen ótirik

Qazaqstan • Keshe

Aıbardyń armany

Rýhanııat • Keshe

Túrkistanǵa 3000 jyl

Rýhanııat • Keshe

Uqsas jańalyqtar