Tańdaýly kitaptardy satatyn tamasha dúkende qazirgi tańda otyzdan artyq bestseller bar. Onlaın-sórelerde qaraǵandylyq kásipker, «Nátıje» sút kompanııasynyń basshysy Erlan Áshimniń qoldaýymen jaryq kórip jatqan kitaptardy da taýyp alýǵa bolady. Atap aıtsaq B.Soqpaqbaevtyń «Meniń atym Qoja», D.Isabekovtiń «Gaýhartas», M.Býlgakovtyń «It júregi» t.b. kitaptary jańa dúkenniń ishin sánge bólep tur.
Bul rette M. Býlgakovtyń «It júregi» kitaby jazýshy, ǵalym Kenjebaı Ahmetovtiń aýdarmasymen tuńǵysh ret qazaq tilinde jaryq kórip otyrǵanyn aıta ketken jón. «Bolashaqta ǵylymı kitaptardyń osy onlaın-sóreden tabylýyna kúsh salamyz. Ǵalymdar óz eńbekterin jazýyn jazady, biraq onyń taralýyna, oqyrmanǵa jetýine jumys istelmeı qalady. Biz osy olqylyqtyń ornyn toltyrǵymyz keledi. Kitapan bólek paıdaly vıdeo-sabaqtar da osy dúken arqyly satylymǵa shyǵady. Jyl sońyna deıin 100-200 kitappen tolyǵamyz», deıdi dúken ıesi A.Álmenbet.
«Akel.kz» az ǵana ýaqyttyń ishinde tutynýshylarynan tamasha tilek te jınap úlgergen. «Saıt óte yńǵaıly, qyzdyń jıǵan júgindeı. Qyzmeti de óte jeńil, túsinikti. Kirip kórseńizder bolady. Dál qazir kitapqa, rýhanııatqa jany ashıtyn azamattar jarysa jarnamalap, qoldaýy tıis bir nárse bolsa, ol – akel.kz ınternet-dúkeni der edik.
Bul dúken ınternet keńistikte olqy soǵyp turǵan bos oryndy naǵyz qajet ýaqytynda toltyrdy. Endi ony aıaǵynan turǵyzýǵa atsalysý bizdiń mindet», deıdi kitapsúıer kópshilik.
Rýhanı shólirkegen qaýymǵa taptyrmaıtyn tamasha resýrs. Mine, qazaqtildi kitap naryǵy osylaı qanat jaıyp keledi.
