– Búgingi tańda Qazaqstan aýmaǵynyń shamamen 9%-y erekshe qorǵalatyn tabıǵı aýmaq mártebesine ıe. BUU men basqa da halyqaralyq uıymdardyń usynysy boıynsha bul kórsetkishti 10 jyl ishinde 12%-ǵa deıin arttyrý kerek. Al Ertis ózeniniń alqaby osyndaı aýmaq tizimine enýi múmkin», dedi vedomstvo basshysy.
Ekobelsendilermen óńirdiń ekologııayq ózekti máseleleri talqylanǵan jıynda mınıstr qazir Pavlodar oblysy boıynsha jol kartasynyń jobasy jasalyp jatqanyn, onda óńirdegi ekologııalyq jaǵdaıdy jaqsartý úshin sharalar belgilenetinin, bul rette mınıstrlik qala jurtshylyǵymen birge jumys isteýge nıetti ekenin jetkizdi. Sonymen qatar kásiporyndarda eń ozyq qoljetimdi tehnologııalardy (OQT) engizý, jasyl jelek sanyn artyrý, halyqtyń ekologııalyq mádenıetin jaqsartý jáne ekologııalyq zańnamany buzǵany úshin aıyppuldy qataıtý máselesi qozǵaldy. Máselen, halyqtyń Pavlodar qalasynda ýly óndiristerdi salýǵa tyıym salý týraly ótinishine jaýap retinde mınıstr naqty eldi mekendegi nemese óńirdegi lastaný deńgeıine qatysty halyqaralyq tájirıbeni Qazaqstanda engizý josparlanyp otyrǵanyn, jańa Ekologııalyq kodekske tıisti normalar engizilgenin atap ótti.
Kez kelgen qaýipti óndiristi salý kezinde qoǵamdyq tyńdaýlar ótkizilýi múmkin. Sondaı-aq jańa kodeks jobasynda halyqtyń jobalardyń qabyldanýyna áser etýin kúsheıtýge arnalǵan tarmaqtar bar. Jasyl jelek týraly máseleler jol kartasyna engiziledi. Qorshaǵan ortany lastaıtyn kásiporyndardyń tabıǵatty qorǵaý is-sharalar josparyna aǵash egýdi engizýdi josparlap otyrmyz. Biz muny ERG kompanııasymen de talqylaımyz. Sonymen qatar úsh jyl ishinde aǵash keskeni úshin normatıvtik-quqyqtyq bazany qataıtý, ótemaqy retinde aǵash otyrǵyzý men oǵan kútim jasaýdy talap etý josparlanýda. Qoqys laqtyrýǵa, aǵashtardy kesýge, belgilenbegen orynǵa kólik qoıýǵa jáne t.b. jol beretin tómen ekologııalyq mádenıet máselesin aıta kelip, mınıstr mundaı zańbuzýshylyqtar úshin jaza kúsheıtiletinin aıtty. Aldaǵy ýaqytta mektepterde ekologııalyq mádenıet pánin engizý úshin Bilim jáne ǵylym mınıstrligimen birlesip onlaın dóńgelek ústel ótkizý josparlanyp otyr. Aıta ketelik, kezdesýde Prezıdenttiń ekologııa pánin elimizdiń orta jáne joǵary oqý oryndarynda mindetti pán retinde engizý týraly bastamasyna qoldaý bildirildi.
«Jańa tehnologııalarǵa keletin bolsaq, biz jańa Ekologııalyq kodekstiń jobasyna eń ozyq qoljetimdi tehnologııalar normasyn engizdik. Oǵan 1300-ge jýyq birinshi sanattaǵy kásiporyndar kóshýi tıis. Iаǵnı shyǵaryndylar kólemin edáýir tómendetetin tehnologııalardy engizý kerek. Eger qorshaǵan ortany lastaıtyn kem degende 50 kásiporyndy osyǵan kóshirsek, máseleniń 80%-y sheshiledi. Biz osy rette kásiporyndardy tekserýdi bastadyq. Eýropada OQT engizý úshin 15 jyl qajet boldy. Qazaqstanda barlyq jumys isteıtin kásiporyndar 2035 jylǵa qaraı OQT júıesine kóshýi tıis. 2025 jyldan bastap salynǵan barlyq kásiporynda jumys istep turǵan OQT bolýy tıis. Kásiporyndar bul rette únemdelgen aqshany OQT engizýge salýǵa yntalanýy úshin memleket emıssııa tóletýden bas tartýǵa daıyn», dedi M.Myrzaǵalıev.
