Qazaqstannyń bas sanıtar dárigeriniń qaýlysyna ózgerister engizildi

Qazaqstan Respýblıkasynyń halqy arasynda koronavırýstyq ınfeksııanyń taralýynyń aldyn alý maqsatynda QAÝLY ETEMIN:

1. «Karantındik shekteý sharalary jáne olardy kezeń-kezeńimen jeńildetý týraly» Qazaqstan Respýblıkasy Bas memlekettik sanıtarııalyq dárigeriniń 2020 jylǵy 15 tamyzdaǵy № 48 qaýlysyna (budan ári – Qaýly) mynadaı ózgeris pen tolyqtyrý engizilsin:

1)  4-tarmaq mynadaı redaksııada jazylsyn:

«4. Oblystardyń, Almaty, Nur-Sultan, Shymkent qalalarynyń ákimderi, oblystardyń, Almaty, Nur-Sultan, Shymkent qalalarynyń taýarlar men kórsetiletin qyzmetterdiń sapasy men qaýipsizdigin baqylaý departamentteri, oblystardyń, Almaty, Nur-Sultan, Shymkent qalalarynyń polısııa departamentteri:

1) qyzmetine ruqsat etilgen obektilerde karantındik sharalardyń, sanıtarııalyq-dezınfeksııalyq rejımniń saqtalýyn baqylaýdy qamtamasyz etsin. Buzýshylyqtar anyqtalǵan kezde «Ákimshilik quqyq buzýshylyq týraly» 2014 jylǵy 5 shildedegi Qazaqstan Respýblıkasynyń Kodeksine sáıkes ákimshilik sharalar qabyldaýdy;

2) Qazaqstan Respýblıkasy Prezıdentiniń janyndaǵy Ekonomıkalyq ósýdi qalpyna keltirý jónindegi memlekettik komıssııasy otyrysynyń 2020 jylǵy 30 shildedegi № 6 hattamasynyń 2.6-tarmaǵyn basshylyqqa ala otyryp, Qazaqstan Respýblıkasynyń Bas memlekettik sanıtarııalyq dárigeriniń 2020 jylǵy 15 tamyzdaǵy № 48 qaýlysyna 2 jáne 3-qosymshalarǵa sáıkes qyzmeti shektelmegen obektilerdi qosa alǵanda, obektilerdiń qyzmetin qaıta bastaýdy qamtamasyz etsin. 

3) osy Qaýlyǵa 1-qosymshaǵa sáıkes 2 jáne 3-qomysshalarmen tolyqtyrylsyn.

2. «Qazaqstan Respýblıkasynyń halqy arasynda koronavırýstyq ınfeksııa aýrýynyń aldyn alý jónindegi sharalardy odan ári kúsheıtý týraly» Qazaqstan Respýblıkasynyń Bas memlekettik sanıtarııalyq dárigeriniń 2020 jylǵy 26 maýsymdaǵy №43 qaýlysyna mynadaı ózgeris pen tolyqtyrý engizilsin:

1) 24-tarmaqtyń 26) tarmaqshasy alynyp tastalsyn;

2) osy Qaýlyǵa 2-qosymshaǵa sáıkes 43-qosymshamen tolyqtyrylsyn.

3. Osy qaýlynyń oryndalýyn baqylaýdy ózime qaldyramyn.
4. Osy qaýly qol qoıylǵan kúnnen bastap kúshine enedi.

Qazaqstan Respýblıkasynyń  

Bas memlekettik

sanıtarııalyq dárigeri                                                 A. Esmaǵambetova

Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.