Qurylysy elimizdiń ındýstrııalandyrý kartasyna engen serpindi jobalardyń biri – «О́skemen qus fabrıkasy» jaýapkershiligi shekteýli seriktestigi jylyna 20 myń tonna ónim óndiredi. О́skemende shyǵarylatyn qus eti, odan jasalatyn taýyq shujyǵy qazir elimizdiń barlyq qalalarynda saýdalanady. Bir Astananyń ózinde 164 saýda dúkenderinde qus fabrıkasynyń ónimderi satylady eken.
Qurylysy elimizdiń ındýstrııalandyrý kartasyna engen serpindi jobalardyń biri – «О́skemen qus fabrıkasy» jaýapkershiligi shekteýli seriktestigi jylyna 20 myń tonna ónim óndiredi. О́skemende shyǵarylatyn qus eti, odan jasalatyn taýyq shujyǵy qazir elimizdiń barlyq qalalarynda saýdalanady. Bir Astananyń ózinde 164 saýda dúkenderinde qus fabrıkasynyń ónimderi satylady eken.Jaqynda kásiporyn ómirinde taǵy bir ıgi is júzege asyp, «Aıtas-MP» shujyq fabrıkasyn paıdalanýǵa berdi.
«О́skemen qus fabrıkasy» jańa kásiporny qurylysyna 1 mıllıard 800 mıllıon teńge qarjy jumsaldy. Onyń 40 paıyzyn kásiporyn óz qarjysy, al 60 paıyzyn nesıe berýshiler esebinen júzege asyrdy. Shyn máninde, elimizde teńdesi joq, táýligine 30-40 tonna qus etin óńdeý arqyly shujyqtyń, qus eti delıkatesin shyǵaratyn fabrıka Shveısarııa, Avstrııa, Germanııa, Polsha, basqa memleketterdiń qondyrǵylarymen jáne jabdyqtarymen montajdalǵan. Qazir kásiporynda 200 adam jumys istese, tolyq qýatyna engende 400 adam eńbek etpek.
Jańa fabrıkanyń saltanatty ashylýyna Aýyl sharýashylyǵy mınıstri Asyljan Mamytbekov, Qarjy mınıstri Bolat Jámishev, Shyǵys Qazaqstan oblysynyń ákimi Berdibek Saparbaev, Qazaqstan qus óndirýshiler odaǵynyń prezıdenti Rýslan Sharıpov, Almaty, Pavlodar, Qaraǵandy oblystary ákimderiniń orynbasarlary, «О́skemen qus fabrıkasy» JShS-iniń bas dırektory Serik Tolyqbaev qatysty. Jıyndy ashqan óńir basshysy Berdibek Saparbaev Elbasynyń Qazaqstan halqyna Joldaýynda atap kórsetilgen mindetterdi júzege asyrýda jańa kásiporynnyń erekshe oryn alatynyn, et ónimderin Reseı men Belarýske eksportqa shyǵarý arqyly elimizdiń ataǵyn shyǵarýdyń múmkindigi týyp otyrǵanyn aıta kelip, kásiporyn basshysy Serik Qumalbekulyna alǵysyn aıtty.
О́skemenniń elge syıly qarııalary lentany qıǵan soń kelgen qonaqtar alyp sehtyń ishine endi. Mine, bir jerde jumysshylar aq jeleń jamylyp alyp, qus etin bólshektep jatyr. Sodan keıin ol tońazytqyshta birneshe saǵat sýytylyp, babyna jetken soń birden saýda oryndaryna jóneltiledi. Qus etin sýytatyn muz arnaıy qoraptan shyǵyp jatyr. «Táýligine 9 tonna pisirilgen shujyq, 9 tonna qaqtalǵan qus eti, basqa da delıkates, barlyǵy 40 tonna shujyq shyǵady», dep kásiporyn basshysy Serik Tolyqbaev qysqasha tanystyryp ótti. Munda eńbek etetin jumysshylarǵa jýynatyn jer, kıim iletin, demalatyn oryn bólingen, tegin tamaq, arnaıy kıim beriledi.
«О́skemen qus fabrıkasy» ujymy aldaǵy ýaqytta da izdenis pen ilkimdilik tanyta bermek.
Ońdasyn ELÝBAI,
«Egemen Qazaqstan».
О́SKEMEN.
