Tekserý barysynda 2300-deı shaǵyn kólemdi keme (gıdrosıkldar, katerler, motorly kemeler t.b.) tekserilip, 548 ákimshilik zań buzýshylyq anyqtaldy. Bul rette ákimshilik quqyq buzýshylyqtardyń basym kópshiligi Shyǵys Qazaqstan, Almaty jáne Túrkistan oblystarynda anyqtaldy.
Zań buzýshylyqtardyń negizgi túrleri:
- kemelerdi jeke qutqarý jabdyqtarysyz paıdalaný – 203 oqıǵa;
- kemelerdi qujattarsyz paıdalaný – 71 oqıǵa;
- keme basqarý quqyǵyn beretin qujatsyz paıdalaný – 42 oqıǵa;
Sonymen qatar, Kólik komıtetiniń aýmaqtyq organdary shaǵyn kólemdi flottyń qaýipsiz paıdalanýyn retteıtin zańnama talaptaryn túsindirý boıynsha shaǵyn kólemdi kemelerdiń ıelerimen, baza-turaqtarynyń jáne demalys aımaqtarynyń ıelerimen profılaktıkalyq jumystardy ótkizdi.
Anyqtama retinde: Kólik komıteti ótkizetin "Skýter" respýblıkalyq aksııasy – sý kóligin qaýipsiz paıdalanýdy qamtamasyz etý maqsatynda 2020 jylǵy flottaǵy apattyń aldyn alý jónindegi is-sharalar josparynyń bir bóligi.
