Ońtústik Qazaqstan • 16 Qyrkúıek, 2020

Shymkentte 173 kandıdat praımerızde baq synaýda

42 ret kórsetildi

Shymkentte Nur Otan partııasy praımerıziniń qatysýshylary arasynda ashyq pikirsaıys dodasy bastaldy. Búgingi tańda praımerızge qala boıynsha 173 azamat qatysyp jatyr, dep habarlaıdy Egemen.kz

Praımerızdiń úshinshi kezeńine sáıkes alǵashqy debattar Abaı aýdany boıynsha qatysýshylar arasynda kúnine 2 mezgil ótkizilip, oǵan 28 úmitker qatysqan.

Búgingi ótken praımerızge qatysýshylardyń pikirsaıysyna  Nur Otan partııasy Shymkent qalalyq fılıalynyń tóraǵasy, qala ákimi Murat Áıtenov qatysty. 

– Partııa tóraǵasy Nursultan Nazarbaevtyń bul jańa bastamasy – adaldyq pen ashyqtyqtyń jańa úlgisin kórsetip otyr. Osy arqyly partııanyń ashyqtyqty qoldaıtynyn jáne halyqpen birge ekenin kórýge bolady. Munda ashyq dıalog kezinde qoldanysqa engizýge bolatyn túrli usynystar da aıtylyp jatyr. Saıası dodaǵa qatysyp jatqan barsha áriptesterge sáttilik tileımin, – dedi fılıal tóraǵasy. 

Aıta óteıik,  7-14 qyrkúıek aralyǵynda partııaishilik irikteýdiń ekinshi "úgit" kezeńi ótti. Ekinshi kezeń boıynsha 570 kezdesý ótkizilgen, onyń 239-y onlaın-formatta ótti. Kezdesýlerge 21 myńnan astam partııa múshesi tartyldy. Sonymen qatar buqaralyq aqparat quraldarynda jáne áleýmettik jelilerde nasıhattaý jumystary júrgizilgen.

Al 14-30 qyrkúıek aralyǵynda qatysýshylar arasynda ashyq pikirsaıystar  ótedi. Olardyń tártibi jerebe boıynsha anyqtalǵan. Aqparattyń ashyqtyǵy men qoljetimdiligin qamtamasyz etý úshin jaryssózder kestesi men orny Primaries veb-saıtynda jáne partııa fılıalynyń resmı akkaýnttarynda jarııalanýda.

Debattar epıdemııalyq jaǵdaıdy eskere otyryp ótkizilýde, bólmelerde zararsyzdandyrǵyshtar ornatylǵan. Sondaı-aq medısınalyq betperdesiz kelgen qatysýshylar men kórermenderge aldyn-ala medısınalyq maskalar daıyndalyp, kireberiste kontaktisiz tásilmen dene qyzýy tekserilýde. 

Pikirsaıystar partııa fılıalynyń resmı akkaýnttary arqyly tikeleı efırde kórsetilip jatyr. 

Sońǵy jańalyqtar

Uqsas jańalyqtar