Aımaqtar • 17 Qyrkúıek, 2020

Syr óńirinde sport ınfraqurylymyn damytý jumystary qarqyndy júrgizilýde

54 ret kórsetildi

О́ńirde dene shynyqtyrý jáne sportpen júıeli shuǵyldanýshylar qatary 30,2 paıyzǵa kóterilip, 244 478 adamǵa jetip otyr, dep habarlaıdy Egemen.kz Qyzylorda oblysy ákiminiń baspasóz qyzmetine silteme jasap.

Joǵarǵy bilikti sportshylar jáne sport rezervin ázirleý baǵytynda Olımpıada rezervin daıarlaý ortalyǵy, sportta daryndy balalarǵa arnalǵan mektep-ınternat-kolledji, oblystyq joǵary sport sheberligi mektebi jáne 21 balalar men jasóspirimder sport mektepteri jumys júrgizýde. Bul mektepterde 20 147 oqýshy 45 sport túrimen tegin jattyǵady.

Sonymen qatar Qyzylorda qalasy jáne aýdandardaǵy 8 sporttyq klýbta 13 613 adam dene shynyqtyrý jáne sportpen turaqty shuǵyldanýǵa tartylǵan.

Halyqtyń sporttyq nysandarǵa qoljetimdiligin arttyrý maqsatynda, balalar men jasóspirimder sport mektepteri jelisin ulǵaıtý jáne shuǵyldanýshylar sanyn arttyrý barysynda birshama jumystar júrgizilýde.

Bul rette "Jumyspen qamtý jol kartasy" baǵdarlamasy aıasynda sport salasy boıynsha 22 joba júzege asýda.

Qazirgi tańda Qyzylorda qalasyndaǵy baıdarka jáne kanoe esý bazasynyń qurylys montaj jumystary júrgizilýde. Qala jáne aýdandarda 8 jattyǵý jáne strıtbol alańdarynyń qurylysy aıaqtalyp, paıdalanýǵa berildi.

Sondaı-aq oblys kólemindegi balalar-jasóspirimder mektepteriniń ǵımarattary, sport klýbyna, sport alańdaryna aǵymdaǵy jóndeý jumystary, J. Bahadúr atyndaǵy olımpıadalyq rezervtiń oblystyq mamandandyrylǵan mektep-ınternat-kolledjiniń fýtbol, voleıbol jáne basketbol alańdaryna kúrdeli jóndeý jumystary júrgizildi.

Sonymen qatar№6 oblystyq olımpıaladyq rezervtiń mamandandyrylǵan balalar-jasóspirimder mektebiniń teńgerimindegi Stadıonǵa jáne Jańaqorǵan aýdany Jańaqorǵan kentindegi Ortalyq stadıonǵa qaıta jańǵyrtý jumystary júrgizilýde.

2018-2019 jyldary oblysta 16 sport kesheni paıdalanýǵa berilse, bıyl memlekettik - jekeshelik áriptestik aıasynda josparlanǵan 12 jobanyń beseýi iske qosyldy. Qalǵan jeteýin jáne oblystyń áleýmettik-ekonomıkalyq damytýdyń 2019-2022 jyldarǵa arnalǵan keshendi josparyna sáıkes 5 jobany kezeń-kezeńimen júzege asyrý kózdelinip otyr.

"Nursát" tennıs ortalyǵynyń 4 jabyq tennıs korty jyl sońyna deıin iske qosylady.

Sońǵy jańalyqtar

Nar Narymbetov edi...

Qazaqstan • Keshe

«Omıkron» shtamy oqshaýlaıdy

Koronavırýs • Keshe

Portrettegi parasat

Elbasy • Keshe

Almatyda 5G jelisi iske qosyldy

Tehnologııa • Keshe

Uqsas jańalyqtar