Oblys ákiminiń orynbasary Erjan Jylqybaevtyń tóraǵalyǵymen ótken jıynda da osy másele qaraldy. Alaıda, óńirdegi birqatar nysandar áli de qysqy jylytý maýsymyna daıyn bolmaı otyr eken. Oblystyq energetıka jáne turǵyn úı-kommýnaldyq sharýashylyq basqarmasy basshysynyń mindetin atqarýshy Janádil Aıtbekov oblystaǵy áleýmettik nysandardyń qysqa daıyndyǵyn baıandady.
"Oblys boıynsha 783 bilim nysanynyń 754-i qysqy maýsymǵa daıyn. Degenmen, aǵymdaǵy jáne kúrdeli jóndeýden ótip jatqan 29 nysan jylytý maýsymyna daıyn emes. Densaýlyq saqtaý nysandary boıynsha 389 densaýlyq saqtaý nysanynyń 372-si daıyn bolsa, 17 nysan jylytý maýsymyna daıyn bolmaı otyr", dedi ol.
Onyń aıtýynsha, oblysta 494 mádenıet nysany bar bolsa, onyń 493-i daıyn eken. Tek Taraz qalasyndaǵy oblystyq Sh.Ýálıhanov atyndaǵy kitaphananyń aǵymdaǵy jóndeý jumystary búgingi kúnge deıin júrgizilýde. Biraq, ol 25 tamyz kúni aıaqtalý kerek bolǵan. Jıynda Erjan Jylqybaev berilgen tapsyrmalardy kórsetilgen merzimde tolyǵymen aıaqtaýdy tapsyrdy.
Jambyl oblysy
