Oblystyq densaýlyq saqtaý basqarmasynyń málimetinshe, óńirdegi medısına mekemeleriniń qyzmetkerleri ekpeni ózderine birinshi bolyp saldyrǵan. Sondaı-aq, medısınalyq uıymdar sapaly ári tıisti zerthanalyq synaqtan ótken vaksınamen qamtylǵan. Dárigerler kúz aılarynda jedel respıratorlyq vırýstyq ınfeksııa men tumaýdyń órshıtinin aıtýda. Sondyqtan da bıyl halyqty vaksınasııalaý asa mańyzdy. О́ıtkeni, mamandar koronavırýs indeti tumaýmen qabattasyp, epıdemıologııalyq jaǵdaıdy asqyndyrýy múmkin ekenin eskertedi.
Vaksına – tegin medısınalyq kómektiń kepildik berilgen kóleminiń paketine kiredi jáne halyqtyń belgili bir toby úshin tegin júrgiziledi. Atap aıtqanda, sozylmaly aýrýy bar 18 jasqa deıingi balalarǵa, medısına qyzmetkerlerine, júkti áıelder men balalar úıleriniń jáne mektep-ınternattardyń tárbıelenýshilerine, múgedekter men sozylmaly aýrýy bar adamdarǵa, sondaı-aq, 60 jastan asqan qarııalarǵa tegin salynady. Tumaýǵa qarsy josparly ekpe egý jumystary qarasha aıyna deıin jalǵasady.
Jambyl oblysy
