- Aıyppul boryshyn óteýden jaltarǵan 4 júrgizýshi ustalyp, kólikteri arnaıy avtoturaqqa qoıyldy. Tórteýi de Reseıde tirkelgen avtokólikter. Tekserý barysynda avtokólik ıelerinde mindetti saqtandyrý sharty bolmaı shyqty. Iаǵnı, osy kúnge deıin kólikterin qujatsyz júrgizip kelgen. Sondyqtan bul azamattarǵa qatysty ákimshilik is qozǵaldy, dedi oblystyq PD ákimshilik polısııa bóliminiń bastyǵy Serik Ábdiqalyqov.
Jyl basynan beri oblys polıseıleri sot oryndaýshylarymen birlese otyryp 59 reıd sharasyn ótkizgen. Quqyq buzýshylyqtyń aldyn alý maqsatynda ótkizilgen bul sharalar barysynda tártip saqshylary negizinen turǵyn úıler men aýlalardy aralap, boryshkerlerge óz aıyppuldaryn belgilengen merzim ishinde óteýi kerektigin aıtyp, túsindirý jumystaryn júrgizgen.
Ákimshilik polısııa bóliminiń bastyǵy S.Ábdiqalyqovtyń sózinshe, aıyppul tóleý týraly qaýlyny ýaqytynda oryndamaǵan azamattarǵa zań kúshi qoldanylady. Mundaı ákimshilik materıaldar aıyppuldy májbúrli túrde óndirip alý úshin sot oryndaýshylary men boryshkerlerdiń jumys oryndaryna jiberiledi.
Qostanaı oblysy
