Pandemııa kezindegi negizgi mindet medısınalyq kómektiń qoljetimdiligi men sapasyn qamtamasyz etý jáne alǵashqy medısınalyq-sanıtarlyq kómek qyzmetkerleriniń qaýipsizdigi", dedi M.Bolshanova.
AMSK uıymdarynda "taza" jáne "las" aımaqtar quryldy. Epıdemııaǵa qarsy rejımdi saqtaý, aımaqtarǵa bólýdi saqtaý boıynsha baqylaý kúsheıtildi. Kireberisterde kúndelikti ınfeksııalyq baqylaý júrgiziletin sanıtarlyq beketter qoıyldy.
Juqtyrý qaýpiniń dárejesine sáıkes JQQ-nyń jetkilikti sanymen qamtamasyz etildi;
Epıdemııaǵa qarsy is-sharalar, JQQ durys paıdalaný qaǵıdattary boıynsha personaldy úzdiksiz oqytý, JQQ durys paıdalanýdy baqylaý júzege asyrylady;
Infeksııalyq aýrýlary bar, onyń ishinde indetke kúdikti pasıentterge medısınalyq kómek kórsetýdi tek súzý (fıltr) aımaǵynda jáne úıde mobıldi brıgadalar júzege asyrady. Emhana janynan quramynda dáriger, medısınalyq bıke, psıholog nemese áleýmettik qyzmetker bar 6 mobıldi brıgada quryldy. Sondaı-aq, pandemııa kezinde qajetti dári-dármekter qory daıyndaldy.
Sonymen birge, aýrýdyń belgileri boıynsha standartty suraqtarmen jadynamalar ázirlendi. Halyq arasynda áleýmettik jeliler, BAQ, medısınalyq uıymnyń saıtynda beınerolıkter arqyly aqparattyq-túsindirý jumystary júrgiziledi.
"Turǵyndardan betperde rejımin, áleýmettik qashyqtyqty, aldyn alý sharalaryn, vaksınalyq profılaktıkany saqtaýdy suraǵym keledi. Qazir emhanalarda tumaýǵa qarsy tegin vaksına júrgizilýde, bul egde jastaǵy pasıentter, balalar, júkti áıelder úshin tumaý vırýsynan saqtaný sharalarynyń biri", dedi M.Bolshanova
Mamandar, aýrý belgileri baıqalǵan jaǵdaıda birden medısınalyq mekemelerge júginý qajet ekendigin eske salady.
