Dostyq úıine jınalǵan úkimettik emes jáne eriktiler uıymdarynyń tanymal ókilderi, quqyq qorǵaýshylar, jýrnalıster, sarapshylar Prezıdenttiń sybaılas jemqorlyqqa qarsy reformalarynyń úsh paketimen; memlekettik apparattyń ashyqtyǵy men aıqyndyǵyn qamtamasyz etýge baǵyttalǵan transformasııalyq úderistermen; bıýdjet shyǵystaryn ońtaılandyrý jónindegi aldyn alý jumysynyń nátıjelerimen; elde parasattylyq ıdeologııasyn ilgeriletý jónindegi jańa tásildermen jan-jaqty tanysty.
«Belsendi azamattyq qoǵamsyz jemqorlyqty barynsha azaıtý men joıý týraly aıtýdyń ózi jónsiz. Sondyqtan biz qoǵamdyq seriktesterdi tańdaýda jáne onyń sanyn arttyrýda ózimizdi shektemeımiz. Búgingi tańda Agenttikti 80 myńǵa jýyq jemqorlyqqa qarsy belsendiler men eriktiler qoldap otyr. Olardyń tegin qyzmeti azamattardyń naqty máselelerin sheshýge kómektesti.
Sybaılas jemqorlyqqa qarsy jumysta yńǵaısyz seriktester men bolmashy máseleler bolmaıdy. Osyǵan oraı, biz úshin ózekti másele jaıly ashyq aıtatyn, syndarly sheshimder usynýǵa daıyn jáne bastaǵan isin aıaqsyz qaldyrmaıtyn kez-kelgen azamat mańyzdy. Qarapaıym jáne barshaǵa túsinikti formýla: «Synaısyń ba – usyn, usynasyń ba – jasa, jasaısyń ba – jaýap ber», dep málimdedi A. Shpekbaev.
Respýblıkalyq arnaıy monıtorıngtik tobynyń jetekshisi A.Soloveva moderatorlyq etken keńeste ońtústik astananyń shaqyrylǵan qoǵam belsendileri jemqorlyqqa qarsy jumysqa, onyń ishinde saıası jańǵyrtý jáne qoǵamdy demokratııalandyrý turǵysynan óz kózqarastary men pikirlerin bildirdi.
Sonymen qatar, árbir sóz sóıleýshi Almatyǵa tán naqty sybaılas jemqorlyq táýekelderin atap ótti. Atap aıtqanda, Májilistiń eks-depýtaty S. Romanovskaıa tutynýshylardyń quqyqtaryn qorǵaýdaǵy áreketsizdigi úshin memlekettik organdardyń jaýapkershiligin qatańdatýdy usyndy.
«Adam quqyqtary úshin hartııa» QQ atqarýshy dırektory J.Turmaǵambetova ózge qoǵam ókilderimen qatar «qalanyń, ásirese tektonıkalyq jaryqtar aımaǵyndaǵy oılastyrylmaǵan núktelik qurylysynyń» erekshe ózektiligin atap ótti.
Tanymal bloger jáne volonter S.Táýkeleva pandemııa kezinde Agenttikke belsendi qoldaý kórsetkeni úshin alǵys bildirip, baqylaý-qadaǵalaý organdary tarapynan monıtorıngtik toptarǵa qysym kórsetýdiń yqtımal táýekelderin belgiledi.
«IIM reformasy úshin» qozǵalysynyń jetekshisi E. Nurpeıisov IIM-niń transformasııasy týraly óńirlik polısııa departamentteri basshylarynyń toqsan saıynǵy qoǵamdyq tyńdaýlaryn tájirıbege engizýdi usyndy, sondaı-aq bas sanıtarlyq dárigerler qyzmetindegi joǵary jemqorlyq táýekelderine egjeı-tegjeıli toqtaldy.
Jer máseleleri jónindegi sarapshy B.Bazarbek myńdaǵan gektar jerdi aýyl sharýashylyǵyna paıdalaný úshin bólý kezinde ózekti máselelerdi kóterip, qyzmeti «sybaılas jemqorlyq táýekelderine» toly jer komıssııalarynyń jaýapkershiligin qatańdatýdy usyndy.
Advokattar D. О́tebekov pen J. Orazbaqova sot júıesindegi jemqorlyqtyń aldyn alý, zańsyz baıý úshin qylmystyq jaýapkershilik týraly BUU Sybaılas jemqorlyqqa qarsy Konvensııasynyń 20-babyn iske asyrý qozǵady.
Agenttik tóraǵasy barlyq máseleler boıynsha tolyq túsiniktemeler berip, birqatar naqty ótinishter men ótinishterdi baqylaýǵa aldy.
«Qoǵam belsendilerimen árbir jańa kezdesý – bul taza lepti aýamen tynys alǵandaı áser beredi. Biz úshin syndarly sheshimdermen bekitilgen balamaly kózqarastar óte mańyzdy. Biz osyndaı kezdesýler barysynda jınalǵan kóptegen dúnıelerdi jan-jaqty pysyqtap, naqty basqarý sheshimderin qabyldaıtynymyzdy barshańyzǵa aıtqym keledi. Eń bastysy, birqatar qoǵamdyq bastamalar boıynsha biz memlekettik apparatta tolyq qoldaýǵa ıe boldyq», dep túıindedi kezdesýdi A. Shpekbaev.
Odan ári qoǵamdyq belsendiler qatarynan quralǵan delegasııa «Qoldau» kásipkerlikti qoldaý ortalyǵyna jáne Naýryzbaı aýdanynyń servıstik ákimdigine bardy. Eki nysan arqyly qala bıliginiń ashyqtyq jáne tutynýshyǵa baǵdarlaný qaǵıdattaryna naqty kóshý jumysy kórsetildi. Naýryzbaı aýdany ákimdiginiń front-keńsesi men azamattarmen tıimdi qarym-qatynas ornatý maqsatynda aýdan ákimi S. Toǵaevtyń open-space-ke kóshý bastamasy qoǵam belsendileriniń erekshe qyzyǵýshylyǵyn týdyrdy.
Sońynda qalalyq Antıkor ortalyǵynda Agenttik tóraǵasyna jemqorlyqqa qarsy taqyryptaǵy jańa kórkem fılmniń sınopsısteri tanystyryldy. Prodıýserler men ssenarısterdiń pikirinshe, jemqorlyq máselesi kóterilgen kınotaspa kınostýdııa sóresinde jatpaı, kórermendi qyzyqty sıýjetke batyryp, jemqorlyqtyń jeke adam men onyń otbasyn qandaı qaıǵyly saldarǵa ákelýi múmkin ekenin taǵy bir márte oılandyrýǵa sep bolýy tıis.
