Abaı ortalyǵynyń maqsaty – sheteldik aýdıtorııany Qazaqstannyń baı ádebı, tarıhı jáne mádenı murasymen tanystyrý. Is-shara aıasynda, sondaı-aq, Malaızııadaǵy Qazaqstan Respýblıkasy Elshiliginiń pysyqtaýymen alǵash ret malaı tiline aýdarylyp jáne basylǵan Abaıdyń «Qara sózder» kitabiniń tusaýkeseri ótti. Ortalyqqa basqa da qazaq ádebıetiniń kitaptary men shyǵarmalary jáne ulttyq mýzykalyq aspap – dombyra syıǵa tartyldy.
Abaı atyndaǵy Qazaq ádebıeti men mádenıeti ortalyǵynyń ashylý rásiminde Malaızııa Ulttyq kitaphanasynyń Bas dırektory M.Ismaıl jáne QR Elshisi B.Imanbaev óz quttyqtaý sózderinde Ortalyqtyń biregeıligin jáne onyń ekijaqty yntymaqtastyqty nyǵaıtýdaǵy, halyqtar jaqyndasýyndaǵy jáne Qazaqstan men Malaızııa arasyndaǵy mádenı almasýdaǵy mańyzdylyǵyn atap ótti.
Ortalyqtyń ashylý rásimi aıasynda, taraptar eldegi shekteý sharalary aıaqtalǵannan keıin, Abaı ortalyǵy bazasynda turaqty túrde túrli birlesken kórmeler men mádenı is-sharalar ótkizýge qol jetkizdi.
