Qoǵam • 16 Qazan, 2020

Joq izdegen jastar

20 ret kórsetildi

Bıylǵy Volonter jylynda osy qozǵalystyń «Birgemiz» tujy­rymdamasy negizinde 43 tarmaqtan turatyn jumys jos­pary bekitilgeni belgili. Sonyń bir tarmaǵy – qaıyrymdylyq sharalaryna baǵyttalǵan «Umit» jobasy. Osy joba negizinde 30 aqtóbelik volonter «Zello. Izdeý» komandasymen birlese joǵalǵan adamdardy izdestirýmen aınalysty.

Baqytqalı Orazǵalıev 2017 jyly dostarymen birge  «Zel­lo. Izdeý» tobyn   qurdy. Jas ji­gittiń bul  ispen aınaly­sýyna Aqtóbeniń shetindegi Jı­lıanka eldi mekeninde turatyn tanystarynyń  balasynyń joǵalyp ketýi sebep boldy. Kór­shi turatyn 11 jas­­taǵy  eki bala qystyń aıazdy keshinde joǵalyp ketedi. Ata-analary dúrligip balalardy túni­men izdegenimen, esh jerden taba almaıdy.

–  Balalar úılerinen sómkege  azyq-túlik salyp alyp ketken. Endeshe olardy eshkim urlamaǵan, óz betinshe  bir jaqqa ketken dep topshyladym.   Qys ortasynda, aıazdy kúni olar qaıda  jol tartýy múmkin? Ne bolsa da, alystaǵy saıajaılarynan izdep kóreıik dep keńes berip, bárimiz jolǵa shyqtyq. Aıtqanymdaı-aq, eki balany  sol jerden ta­ýyp alyp, úılerine qaıtardyq.  Jalpy, osy jastaǵy balalar kóp jaǵdaıda zerikkendikten, ne oınap júrip adasyp ketedi.  Al  jasóspirimderdiń joǵalýyna  kóbine  úı ishindegi janjal, ata-anasymen urys-keris sebepshi bolady. Tobymyzǵa  ishteı  jal­ǵyzdyq, toryǵýshylyq, úreı, qorqynysh sezimine boı aldyr­ǵan soń osyndaı qadamǵa baratyn   jasóspirimdermen jumys isteıtin psıholog maman  aldyq. Ol  balalarǵa úıden ketip qalý­dyń sebep-saldaryn jaılap túsin­diredi. О́kinishke qaraı, bala men úlkenniń arasynda til taby­sýdyń bolmaýynan osyndaı jaǵ­daılar týyp jatady, – deıdi Baqytqalı. 

Qazirgi kezde  «Zello. Izdeý» volonterlik tobynyń 20 úıles­tirýshisi men  30-40 izdeýshisi bar.  Kóp jaǵdaıda  jergilikti polısııa qyzmeti men  tótenshe jaǵdaılar departamenti de  bulardan kómek surap jatady.  Volonterler  aqparat túsken boıy joǵalǵan azamattyń sýretin áleýmettik jelilerge salyp, dereý jan-jaqqa habar jiberedi.  Osy jaǵynan alǵanda ár volonterdiń  ózine bekitilgen aýdany bar. 

Ulttyq Qyzyl  Jarty aı ­qoǵamy fılıalynyń qyz­met­­­kerleri  ár toqsan saıyn osy toptyń múshelerine  oqý tre­nıng­terin ótkizedi. Son­daı-aq oblystyq Tótenshe jaǵ­daı­lar de­partamenti mamanda­ry vo­lonterlerdi bıikke órmeleýge jattyqtyrady, sýǵa ketken adam­darǵa alǵashqy kó­mek kór­setýdi  úıretedi. «Osy ja­ǵynan alǵanda, bizdiń  tobymyz kásibı qutqarýshylarǵa aınalyp keledi», deıdi B.Orazǵalıev.

Aıta ketý kerek, jyl basynan beri «Zello. Izdeý» tobyna  60 aqtóbelik turǵynnyń joǵalýy týraly derek  tirkelse, 50 adam­­dy volonterler aman-esen taýyp bergen. Bulardyń ishinde esin joǵaltqan eresek adamdar da,  umytshaqtyq dertine shaldyqqan múgedek jigitter de, jas balalar da bar. Búginde top músheleriniń árqaısysynyń óz jumystary  bolǵanymen, olardy ortaq maqsat – qıyn jaǵdaıda qalǵandarǵa  kómektesý isi biriktiredi.

 

Aqtóbe oblysy

 

Sońǵy jańalyqtar

Shymkentte taǵy bir aýdan qurylady

Qoǵam • Búgin, 16:58

Almatyda qant qymbattap barady

Qoǵam • Búgin, 16:45

Dollar baǵamy ósti

Qarjy • Búgin, 16:12

Dollar qymbattady

Qarjy • Búgin, 10:59

Elordada áýe shary qulady

Oqıǵa • Búgin, 10:37

Qarjy mınıstriniń orynbasary taǵaıyndaldy

Taǵaıyndaý • Búgin, 10:24

EQYU Bas hatshysy Qazaqstanǵa keledi

Parlament • Búgin, 09:31

Uqsas jańalyqtar