Shymkent qalasynyń aýmaǵynda qoǵamdyq oryndarda karantın talaptarynyń saqtalýyn monıtorıngileý boıynsha jumystar jalǵasýda. Máselen, Shymkent qalasy Polısııa departamentiniń qyzmetkerleri men mobıldik top ókilderi Eńbekshi aýdany aýmaǵyndaǵy qoǵamdyq tamaqtaný oryndaryna kezekti baqylaý is-sharasyn uıymdastyrdy.
Nátıjesinde qoǵamdyq tamaqtaný ornynda karantın talabyn buzý, ıaǵnı otbasylyq is-shara ótip jatqany anyqtaldy. Kásipkerlik nysan basshysy ákimshilik jaýapkershilikke tartyldy. Aýdanda jergilikti polısııa qyzmeti, taýarlar men kórsetiletin qyzmetterdiń sapasy men qaýipsizdigin baqylaý bólimi, aýdan ákimdiginiń mamandarynan quralǵan 4 monıtorıngileý toby jumys isteıdi.
Shymkent qalasynyń polıseıleri qala turǵyndaryn óziniń jáne ózgelerdiń densaýlyǵyna nemquraıly qaramaýǵa, otbasylyq is-sharalardy ótkizbeýge jáne barlyq sanıtarlyq-epıdemııalyq talaptardy qatań saqtaýǵa shaqyrady.
