Olardyń arasynda Úkimettik emes uıym músheleri, oblystaǵy BAQ salasynyń ókilderi, óner adamdary men volonterlar bar. Marapatty Túrkistan oblysy ákiminiń orynbasary Sáken Qalqamanov tabystap, el ıgiligi jolyndaǵy eńbekteri úshin alǵysyn bildirdi.
"Sizder álemdik pandemııa qyspaqqa alǵanda aldyńǵy shepke shyǵyp, ábigerge túsken halyqty qaýipten aman alyp qalýǵa atsalystyńyzdar. О́z bastaryn qaterge tigip, eldiń amandyǵyn aldyńǵy orynǵa qoıǵan sizderdi búgingi kúnniń batyrlary desek jarasady. Aýrý oshaqtaryna arnaıy baryp, halyqty jádel ári shynaıy habarlarmen qamtamasyz etýde aqparat salasy ókilderiniń eńbegi orasan zor boldy. Sondaı – aq oblys, qalalar aýmaǵyndaǵy blok beketterdegi qyzmetkerlerge qajetti zattaryn jetkizip, ystyq tamaqtarmen qamtyp, karantın ýaqytynda turmystyq qıynshylyqtarǵa ushyraǵan otbasylarǵa kómek kórsetken qoǵam belsendileri, eriktiler men jastar naǵyz janashyr ekendikterin kórsete bildi", - degen Sáken Qalqamanov aldaǵy ýaqytta da jumyla áreket etýge shaqyrdy.
