"Astana − adaldyq alańy" jobasynyń jetekshisi Mıras Shekenov: "26 qazanda "Astana − adaldyq alańy" jobasy aıasynda elordalyq antıkor qyzmeti, Taýarlar men kórsetiletin qyzmetterdiń sapasy men qaýipsizdigin baqylaý departamenti, qalalyq ákimdik, "Farmasevtıka qyzmetin qoldaý jáne damytý qaýymdastyǵy" ZTB fılıalynyń mamandary "SQ-Farmasııa" JShS qoımalaryndaǵy qory tekserilgen.
Qazir 8,2 mıllıard teńge turatyn dáriniń 44 túrin satyp alý prosesi júrip jatyr. Bul aı ishinde 60 myń naýqasty emdeýge kómektesedi. "SQ-Farmasııanyń" málimetinshe, qorda 44 túrli dári bolý kerek.
"Monıtorıng toby qoımada dáriniń 32 túri saqtalǵanyn anyqtady. Qorda bolýy tıis 12 pozısııa joq, al bes túrli dárini jetkizýdiń sharty múldem joq. "SQ-Farmasııa" ókili A.Salıevtiń aıtýynsha qorda bolýy tıis dárilik zat osy jyldyń 20 qarashasyna deıin jetkizilýi kerek", dedi Shekenov.
