Abaı • 05 Qarasha, 2020

Kórmede – hakim muralary

79 ret kórsetildi

Jýyrda Ulttyq mý­zeı­de Abaı Qunan­baı­uly­­nyń 175 jyl­dyq me­­reı­toıyna arnalǵan «Abaı jáne rýhanı mura» atty ıl­lıýs­tra­sııalyq-kitap kórmesi ashyldy. Atal­ǵan shara M­á­­de­nıet jáne sport mı­nıs­trliginiń qol­da­ýymen hám Ult­tyq aka­­de­­mııalyq kitap­ha­na­nyń uıym­das­ty­rýy­men ótip otyr.

Uly aqynnyń shyǵar­ma­shylyq murasyn qazaq halqynyń rýhanı qazynasy jáne ultymyzdyń mádenı kapıtaly retinde nasıhattap, jańa Qazaqstannyń brendi retinde álem jurtshylyǵyna keńinen tanystyrýdy maqsat tutqan kórmeniń elordalyqtar úshin bir aı boıy esigi ashyq.

Úsh bólimnen turatyn kórmeniń alǵashqy bólimi Abaı­dyń ómir jolyna arnal­ǵan. Munda «Abaı eli» kitap albomy qoıylyp, aqynnyń týǵan jeri Jıdebaı shatqaly ınstallıasııa arqyly (qazirgi Shyǵys Qazaqstan oblysynyń Abaı aýdany) beınelenedi. Sondaı-aq «Abaı jáne Zere» obrazdary sahnalanyp, sol kez­degi turmys belgileri bar kıiz úıdiń edeni, aqynnyń sú­ıip oınaıtyn toǵyzqumalaq oıyny usynylǵan. Ashylý rá­siminde aqynnyń toǵyz ja­synda jazǵan «Kim?» atty satıralyq shyǵarmasy oqyl­dy. Al «Abaı oqyǵan kitap­tar» kitap kórmesinde Naýaı, Nızamı, Saadı, Jámı, Hafız, Fırdoýsı jáne A.Pýshkın, M.Lermontov, I.Krylov, Shıl­ler, Gete, Baıron, Geıne, Mıskevıch jáne t.b. týra­ly aqparattar berilip, «Qu­nan­baı» jáne «Abaı joly» atty kórkem fılm­de­rinen úzindi kór­setildi. Sonymen qatar «Abaı joly» ro­many bo­ıyn­­sha bir kitaptyń kórmesi qo­ıyl­ǵan.

Kórmeniń ekinshi bólimi «Abaı shyǵarmashylyǵy jáne Abaı­taný» dep atalypty. Munda sırek kitaptar men qu­jattardan turatyn «Uly Abaıdyń alǵashqy basylymdary» jınaqtalyp, «Qara sózderi» boıynsha bir kitaptyń kórmesi qoıyldy. Abaıdy alǵashqy tanytqan tulǵalar – Á.Bókeıhan, I.Boroganskıı, M.Áýezov, Q.Muhamedhanov jáne t.b. kitaptary men qujat­ta­ry da umyt qalmaǵan. Al Abaıdyń tanymdyq jáne kór­kem muralary ınstallıasııa ar­qyly beınelenipti.

«Abaı jáne qazirgi zaman» dep atalǵan úshinshi bó­lim­­de 10 tamyz – Abaı kúni­ne baılanys­ty materıaldar usynylǵan.

Aıta keteıik aqynnyń ómi­ri men shyǵarmashylyq mu­ra­­syn orys oqyrmandaryna alǵash tanystyrǵan qoǵam qaı­­rat­keri, jýrnalıst, etnograf Álıhan Bókeıhan bolatyn. Onyń birinshi maqalasy («Abaı (Ibrahım) Kýnanbaev – múnahıb (nekrolog)») 1905 jyl­dyń qarasha aıynda «Se­mı­­palatınskıı lıstok» gaze­­tiniń 250-252 sandarynda ja­rııa­landy. Bir jyldan soń, «Semıpalatınskıe oblastnye vedomostı» gazetine qaıta basylyp, keıin 1907 jyly «Za­pıs­kı Semıpalatınskogo po­dotdela I.R.G.O.» atty kitap­qa da shyqty. Al 1991 jyly Tursyn Jurtbaıdyń aýdar­masymen «Juldyz» jýrna­lyna jarııalanǵan edi.

Igi sharaǵa Ulttyq akade­mııa­lyq kitaphana basshysy Úmithan Muńalbaeva, Ulttyq Mýzeı dırektory Arystanbek Muha­­medıuly, túrkolog, fılologııa ǵylymdarynyń doktory Shákir Ibraev, aqyn, Qazaqstan Jazý­shylar odaǵy Nur-Sultan qalalyq fılıalynyń dırektory Dáýletkereı Kápuly qatysty.

 

Sońǵy jańalyqtar

Esińde bolar ár kúniń

Qazaqstan • Keshe

Jemqorlyq statıstıkasy

Qazaqstan • Keshe

«Bir belgi úshin...»

Kıno • Keshe

Shynaıylyq

О́ner • Keshe

Balalyq shaqtyń aspany

Qoǵam • Keshe

Uqsas jańalyqtar