Aqtoty Raıymqulova IýNESKO men ISESKO isteri boıynsha ulttyq komıssııanyń otyrysyna qatysty

Qoǵam • 27 Qarasha, 2020

Aqtoty Raıymqulova IýNESKO men ISESKO isteri boıynsha ulttyq komıssııanyń otyrysyna qatysty

13 ret kórsetildi

Búgin Qazaqstan Respýblıkasynyń Mádenıet jáne sport mınıstri, Qazaqstandaǵy IýNESKO men ISESKO isteri boıynsha ulttyq komıssııanyń tóraǵasy Aqtoty Raıymqulovanyń jetekshiligimen komıssııanyń onlaın formatta otyrysy ótti, dep habarlaıdy Egemen.kz.

Marzhan Tileubekova

Jıynǵa QR Syrtqy ister mınıstriniń orynbasary, ulttyq komıssııa tóraǵasynyń orynbasary Erjan Ashyqbaev, IýNESKO-nyń Almatydaǵy klaster bıýrosynyń dırektory Krısta Pıkkat, "Mádenıetterdi jaqyndastyrý ortalyǵy" memlekettik murajaıynyń dırektory Oljas Súleımenov, komıssııanyń bas hatshysy Anar Dútbaeva jáne ózge músheleri qatysty.

Mınıstrlik basshysy jıynǵa qatysýshylardy quttyqtap, IýNESKO-nyń ortaq zııatkerlik murany qorǵaý jáne ilgeriletý jónindegi múshe memleketterdiń halyqaralyq úılestirýindegi róliniń joǵary ekenin atap ótti.

«Qazaqstan úkimeti IýNESKO hatshylyǵynyń Qazaqstannyń bastamasymen jarııalanǵan 2013-2022 jyldardaǵy Mádenıetterdi jaqyndastyrýdyń halyqaralyq onjyldyǵy baǵdarlamasyn qoldaýdaǵy kúsh - jigerin joǵary baǵalaıdy», - dedi Aqtoty Raıymqulova.

Jıynda sóz alǵan QR Syrtqy ister mınıstriniń orynbasary, ulttyq komıssııa tóraǵasynyń orynbasary Erjan Ashyqbaev josparlanǵan is sharalar barysy týraly baıandady.

"Pandemııaǵa baılanysty bıyl kóptegen is-shara keıinge qaldy nemese onlaın formatqa aýysty. Məselen, IýNESKO-nyń atqarýshy dırektory Odrı Azýleniń Qazaqstanǵa resmı sapary keıinge shegerildi. Odrı Azýle kelgende Qazaqstan men IýNESKO arasyndaǵy 2020-2023 jyldarǵa arnalǵan əriptestik aıasynda qol qoıyp, bekitemiz dep otyrǵan memorandým, baǵdarlama, jobalardy bərin qaıta qarap, qazirgi jaǵdaıǵa qaraı taldaý jasap túzetýler engizý kerek. Osy oraıda bilim berý, ǵylym, mədenıet, aqparat pen kommýnıkasııa salasyndaǵy ózekti maqsattardy eskere otyryp, ulttyq komıssııa hatshylyǵy strategııalyq mańyzy bar qujattar boıynsha qosymsha kelissózder júrgizýi kerek dep esepteımin.

Bul qujattar elimizdiń turaqty damýy úshin barlyq baǵyttaǵy qyzyǵýshylyǵyn eskerýi tıis. IýNESKO qamtıtyn tórt sala boıynsha jobalardy elimizde muqııat, tııanaqty iske asyrýymyz kerek",dedi E.Ashyqbaev.

Sonymen qatar qatysýshylar IýNESKO men ISESKO isteri boıynsha ulttyq komıssııa qyzmetiniń ózekti suraqtaryn talqylady. Osy oraıda Mádenıet jáne sport mınıstrligi Mádenıet jáne óner isteri departamentiniń dırektory Kúmis Seıitova Qazaqstan aýmaǵyndaǵy IýNESKO tizimine kiretin eskertkishterdi qorǵaýdy qamtamasyz etý, «Arheologııalyq saraptama» JShS-nyń dırektory Dmıtrıı Voıakın IýNESKO-nyń dúnıejúzilik mura quramyndaǵy nysandary jaıly esep, komıssııanyń bas hatshysy Anar Dútbaeva IýNESKO-nyń 2023-2027 jyldarǵa arnalǵan dúnıejúzilik mura jónindegi memleketaralyq komıtetine Qazaqstan kandıdatýrasyn usyný, Shymkent qalasy ákiminiń orynbasary Nursadyq Ergeshbek Shymkent qalasynyń 2200 jyldyǵy jaıly boıynsha sóz sóıledi.

Sonymen qatar IýNESKO-nyń Qazaqstan-Germanııa ýnıversıteti janyndaǵy sý resýrsy kafedrasynyń qyzmeti jaıly atalǵan kafedra jetekshisi Barbara Iаnýsh Pavletta, Qazaqstannyń ulttyq IýNESKO klýbtary federasııasynyń prezıdenti Bolat Aqsholaqov federasııa qyzmeti, «Adam jáne bıosfera» komıtetiniń qyzmeti jaıly komıtet tóraǵasy Roman Iаshenko tarqatyp aıtyp berdi.

Osydan keıin Qazaqstandaǵy IýNESKO men ISESKO isteri boıynsha ulttyq komıssııanyń bas hatshysy Anar Dútbaeva keler jylǵa arnalǵan jumys josparymen tanystyryp, qatysýshylar sheshimimen bekitildi.

Is-shara sońynda IýNESKO jáne ISESKO isteri jónindegi QR Ulttyq komıssııasynyń tóraǵasy Aqtoty Raıymqulova qatysýshylarǵa alǵys aıtyp, jemisti jumys tiledi.

Kúnniń mańyzdy jáne ózekti jańalyqtaryn «Egemen Qazaqstan» telegram kanalynan oqyńyz