Foto avtory: Maksım Zolotýhın
"QR BǴM ǴK SEME" MM seısmıkalyq stansııalar jelisi 27 qarashada saǵat 14.18-de eleýli jer silkinisin tirkedi. Jer silkinisiniń epısentri Almatydan shyǵysqa qaraı 109 shaqyrym jerdegi Almaty oblysy Eńbekshiqazaq aýdanynyń aýmaǵynda ornalasqan. Jer silkinisiniń energetıkalyq klasy – 8.6. Magnıtýdasy – 3.5 MPV. Dúmpýler qansha ball bolyp sezilgeni týraly (MЅK-64 shkalasy boıynsha) málimet joq.
"Almaty oblysy TJ Departamenti aqparatty alǵan bette jergilikti atqarýshy organdarǵa, Polısııa departamentine, Qazseldenqorǵaý departamentine, prokýratýraǵa jáne basqa da uıymdarǵa habarlady, aýmaqtardaǵy jaǵdaı naqtylanyp jatyr, zardap shekkender týraly aqparat túsken joq", dep habarlady TJD ókilderi.
