Maqsat – aýrýdy aýyzdyqtaý

Onyń birden-bir sebebi – jer-jerlerde qurylǵan mo­nıtorıngtik top sanıtarlyq talaptardyń saqtalýyn qa­tań qadaǵalaýyna aldy. Ob­lystyq bas sanıtarlyq dári­gerdiń qaýlysy shyǵa sa­la tıisti sala mamandarynan qu­rylǵan monıtorıngtik top­tar­dyń jumysy kúsheıdi. Qo­ǵamdyq oryndarda únemi reıd jumystaryn júrgizip keledi. Tártip qataıǵanymen, ereje buzý faktileri áli de bar. Máselen, oblys orta­ly­­ǵynda bir kúnde 80 nysan tek­serildi. Nátıjesinde, dema­lys kúni jumysyn toqtat­pa­ǵan «Shanhaı» avtojýý me­­ke­mesiniń qojaıynyna ­319 470 teńge aıyppul salyn­dy. Sondaı-aq «Raýan», «Rýbın», «Danııl», «Fix Price» dú­ken­deri men «Azalııa» gúl sa­tatyn dúńgirsheginde sa­nı­tarlyq normalardyń saq­talmaǵany anyqtaldy. Aıyp­puldyń jalpy somasy –
208 350 teńge.

Aýrýdyń aldyn alý úshin aýdandarda da qoǵamdyq oryn­darǵa tyńǵylyqty tekse­rý jumystary atqarylyp ja­tyr. Kýrchatov qalasynda 5 ny­sanda reıd júrgizilip, sa­nıtarlyq erejelerdi saqta­ma­ǵan ekeýine aıyppul salyndy.

Jarma aýdanynda sa­nı­tarlyq normalardy buz­ǵan eki jaǵdaı tirkelip, Qal­bataý aýylynyń turǵyny R.Kapslıamovaǵa jáne Jań­ǵyz­tóbe kentiniń turǵyny G.Qa­sym­hanǵa 41 670 teńgeniń hat­ta­masy toltyryldy.

Al Altaı aýdanynda sa­typ alýshylarǵa me­dısı­na­lyq qolǵapsyz qyz­met kór­setken «Fasol» dúke­ni­niń dırektory ákimshilik jaýap­kershilikke tartyldy.

Úrjar aýdanynyń Ma­qanshy aýylynda dúkenniń satýshysynda medısınalyq mas­kalar qory bolmaǵandyqtan, 41 670 teńgeniń aıyppulyn arqalady. Al Úrjar aýylynda dúkenge maskasyz kelgen eki turǵynǵa hattama toltyryldy.

Mundaı reıdtik sharalar Katonqaraǵaı, Glýbokoe aýdandarynda da júrgizildi. Ol jaqtardan da tártipke ba­ǵynbaǵandar tabyldy. Zań aldynda bári birdeı. Aıyp birine taǵylyp, endi biri jaltaryp ketip jatqan joq. Tekserý jumystary ádil júrgizilýi úshin monı­to­rıngtik toptardyń jumysyn «Shyǵys – adaldyq alańy» jo­balyq keńsesiniń ókilderi únemi qadaǵalap otyrady.

– Alǵashynda sanıtar­lyq talaptardy saqtamaǵany úshin halyqqa eshkim aıyppul salmady. Tek túsindirý ju­mystaryn júrgizip kelgen. Alaıda kópshilik erejege ba­ǵynǵysy kelmedi. Sol úshin 16 qazannan aıyppul salyna bastady. Shyndyǵynda, keıbireýler koronavırýstan emes, aıyppuldan qorqady eken. Qazir tártip ornap ke­ledi. Saraptap qarasaq, sanı­tarlyq talaptar kóbinese tún­de buzylady. Mysaly, toı jasaý áli de tyıylmaı tur, – deıdi «Shyǵys – adal­dyq alańy» jobalyq keń­se­siniń jetekshisi Marjan Baqytqyzy.

Saıyp kelgende atqary­lyp jatqan sharýalardyń barlyǵy halyqtyń saýlyǵy úshin. Alaıda sony túsin­be­gender qarapaıym ǵana ere­jeni saqtaýdyń ornyna mo­nıtorıngtik top múshe­le­rine qarsylasyp, qo­qan-loqy da kórsetetin kó­ri­nedi. Daýly jaǵdaıdaǵy hat­­tama sotqa joldanady. Oblys orta­lyǵyndaǵy reıd­­tik sharalar kezinde bir tur­ǵynǵa qatysty mate­rıal О́skemen qalasynyń ma­mandan­dy­rylǵan ákimshilik sotyna jiberildi.

Aıta ketsek, Shyǵys Qa­­zaq­­stan oblysynda 128 mo­­nıtorıngtik top jumys is­teıdi. Olardyń quramyna polısııa qyzmetkerleri, jer­gilikti atqarýshy organdar­dyń ókilderi, Taýarlar men kórsetiletin qyzmetterdiń sa­pasy men qaýipsizdigin ba­qylaý basqarmalarynyń ma­ma­ndary kiredi. Aımaqtaǵy ahýal turaqtalǵansha bul ba­ǵyttaǵy jumystar jalǵasa bermek.