Otan aldyndaǵy antty Almaty, Qaraǵandy jáne Taldyqorǵan qalalarynan shaqyrylǵan júz qyryqqa jýyq jas sarbaz qabyldady. Sanıtarlyq shekteýlerge baılanysty áskerge shaqyrylýshylardyń ata-analary saltanatty rásimdi onlaın rejımde baqylady.
- Ant qabyldaǵan soń ár jaýynger ózine joǵary jaýapkershilik alady. Endi sizder Otan qorǵaý jolyndasyzdar. Biz sizderdiń rýh-jigerlerińizge senemiz. Sizderge densaýlyq, shydamdylyq, tabysty qyzmet tileımiz! - dedi sap aldynda áskerı bólim komandıri, gvardııa podpolkovnıgi Joljibek Nurlybekov.
Osy oraıda qoldaryna qarý alyp, áskerı qyzmetke jańa aıaq basqan jas sarbazdar da óz áserlerimen bólisti.
- Biz ata-anamyzdyń alysta jas jaýynger kýrsynan óttik, maqsattarǵa umtyldyq, batyl bolýǵa talpyndyq. Jańa dostar taptyq. Bir jyldan keıin shynyǵyp, shyńdalyp, úıge oralamyz, - dedi 97638 áskerı bóliminiń jas sarbazy Samat Berdibaev.
