2021 jylǵy 6 qańtarda Eńbekshi aýdany Polısııa basqarmasy №52 ýchaskelik polısııa pýnktiniń ınspektorlary jedel-izdestirý is-sharalary barysynda quqyq buzýshynyń jeke basyn anyqtaldy. Oǵan qatysty QR ÁQBtK-niń 383-babynyń 3-bóligi (Áýesqoılyq (sporttyq) balyq aýlaýdy qospaǵanda, tyıym salynǵan merzimderde, tyıym salynǵan quraldarmen nemese tásildermen, tyıym salynǵan jerlerde balyq aýlaý qaǵıdalaryn, sondaı-aq balyq resýrstaryn jáne basqa da sý janýarlaryn paıdalanýdyń basqa da túrlerin júzege asyrý qaǵıdalaryn qylmystyq jazalanatyn is-áreket belgileri joq óreskel buzý) boıynsha ákimshilik jaýapkershilikke tartyldy. Ol jergilikti turǵyn bolyp shyqty.
Polısııa balyq aýlaýǵa arnalǵan 30 metrlik tordy tárkiledi. Azamat 2020 jyldyń 14 jeltoqsanynda Maıatas eldi mekeniniń janyndaǵy Badam sý qoımasynda balyq aýlaý jelisiniń kómegimen zańsyz balyq aýlaǵanyn aıtyp, óz kinásin tolyq moıyndady. Zańsyz aýlanǵan balyqtyń jalpy salmaǵy toǵyz keli.
