Qazaqstan • 09 Qańtar, 2021

TMD boıynsha konstrýksııanyń seısmıkalyq tózimdiligin tekseretin biregeı mashına Qazaqstanda ǵana saqtalǵan

11 ret kórsetildi

TMD elderiniń ishinde jalǵyz Qazaqstan synalǵan qurylymdy rezonansqa engizetin, sol arqyly 9 balldyq jer silkinisine elikteıtin biregeı V-3 vıbrodınamıkalyq mashınasyn saqtaı aldy, dep habarlaıdy Egemen.kz tilshisi Qazaqstan Respýblıkasy Indýstrııa jáne ınfraqurylymdyq damý mınıstrligi taratqan aqparatqa silteme jasap.

Seısmıkalyq tózimdilikti tekseretin synaqtardy Qazaq qurylys jáne sáýlet ǵylymı-zertteý jáne jobalaý ınstıtýtynyń («QazQSǴZI» AQ) ǵalymdary júrgizedi.

2020 jyldyń sońynda «QazQSǴZI» AQ mamandary jańa zamanaýı Modex zaýytynda shyǵarylǵan kólemdi bloktardy aýqymdy synaýdyń kelesi kezeńin aıaqtady.

1

Kólemdi bloktardy qoldanatyn modýldik turǵyn úı qurylysy Qazaqstanda buryn qoldanylmaǵan, sondyqtan ǵylymı zertteýler men eksperımenttik synaqtardy qajet etti. Bul eksperımenttik zertteýler Qazaqstan úshin mańyzdy boldy, óıtkeni modýldik bloktardy paıdalaný qurylys ýaqytyn aıtarlyqtaı qysqartady. Máselen, bolashaqta 16 qabatty turǵyn úı salýǵa tórt aı ǵana ýaqyt ketetiń bolady.

«Mamandar únemi osyǵan deıin elde qoldanylmaǵan qurylymdardy seısmıkalyq tózimdiligin eksperımentaldy túrde tekserip otyrady. Tekserý nátıjeleri boıynsha jańa qurylymdar jer silkinisi qaýpi bar aýdandarda paıdalaný múmkindigi nemese múmkin emestigi týraly qorytyndy jasalady», - Jaımbetov Marhabat Jaıymbetuly, Qazaqstan Respýblıkasy Indýstrııa jáne ınfraqurylymdyq damý mınıstrliginiń Qurylys jáne turǵyn úı-kommýnaldyq sharýashylyq isteri komıtetiniń tóraǵasy.

Sońǵy jańalyqtar

Aqyly joldaǵy ahýal qandaı?

Aımaqtar • Keshe

Buǵybulaý

Qazaqstan • Keshe

Júze bilý – ómir

Qoǵam • Keshe

О́lketanýshy

Qazaqstan • Keshe

Kebenek

Tarıh • Keshe

Sáýkele

О́ner • Keshe

Uqsas jańalyqtar