Aımaqtar • 20 Qańtar, 2021

О́mirzaq Shókeev Túrkistanda júrgizilip jatqan qurylys nysandaryn aralady

10 ret kórsetildi

Túrkistan oblysynyń ákimi О́mirzaq Shókeev qaladaǵy qurylys alańdaryn aralap, júrgizilip jatqan jumys barysyn baqylady, dep habarlaıdy Egemen.kz oblys ákiminiń baspasóz qyzmetine silteme jasap.

Salynyp jatqan demalys oryndarynyń mán-jaıymen tanysyp, jaýapty sala basshylaryna tapsyrmalar berdi. Oblys basshysy «Túrki baǵy» men Iаssaýı kóshesi boıynan salynyp jatqan jelilik saıabaqtyń qurylysymen tanysty. Búgingi tańda jerdi tegisteý jumystary 30% aıaqtalyp, sý saqtaý qoımasyn (rezervýar) ornatýǵa daıyndyq jumystary júrgizilip jatyr.

Sondaı-aq óńir basshysy «Kerýen saraı» turǵyn úıler kesheniniń qurylysymen tanysty. Qazirgi tańda kópqabatty turǵyn úılerdiń irgetasy qalanyp, qurylys-montajdaý jumystary qarqyndy júrgizilýde. Aýqymdy joba aldaǵy qarasha aıynda paıdalanýǵa beriledi dep kútilýde.

Budan soń, О́mirzaq Estaıuly ǵylymı-ámbebap kitaphanasynda boldy. Nysannyń  syrtqy jáne ishki árleý, ınjenerlik jelilerin montajdaý jáne qural-jabdyqtardy ornatý jumystary júrgizilýde. Kitaphana aldaǵy aqpan aıynda el ıgiligine berilmek.

Sonymen qatar óńir basshysy Halyqaralyq týrızm jáne meımandostyq ýnıversıtetin aralap, ondaǵy atqarylyp jatqan jumystarmen tanysty. Túrkistandaǵy kómekshi mektep-ınternaty jataqhananyń qurylys alańyn aralap kórdi. Jataqhananyń qurylysy aıaqtalǵan. Ǵımarat ınjenerlik júıelermen qamtamasyz etilgen.

Aımaq basshysy rýhanı-mádenı ortalyqtaǵy abattandyrý jumystarymen tanysty. Qoja Ahmet Iаsaýı kesenesiniń aýmaǵyn abattandyrý 4 kezeńmen júzege asýda. Josparlanǵan istiń jartysynan astamy aıaqtalǵan. «Áziret Sultan» qoryq-murajaıynyń aýmaǵyndaǵy 9 gektar aýmaq abattandyrylýda. Qurylys jumystary óndiristik kestege sáıkes  júrip jatyr. Kópjyldyq kóshetter egilip, ınjenerlik jeliler tartylǵan, aıaqjoldar tóselgen.

«Tuńǵysh Prezıdent saıabaǵynyń» aýmaǵyndaǵy qurylys ta oblys ákiminiń basty baqylaýynda. 38 gektar aýmaq tutastaı jasyl jelekke oranady. Kógaldandyrylyp, jasandy kóldiń tireý qabyrǵalarynyń beton jumystary aıaqtalyp, gabıonmen qaptalǵan. Bas qaqpasy ornatylyp, mármár taspen qaptalýda.

Sońǵy jańalyqtar

«Barys» utylyp qaldy

Sport • Keshe

Eldos Smetov kúmis aldy

Sport • Keshe

«Qaırat» – qola júldeger

Aımaqtar • Keshe

Kóktemdegi UBT 10-naýryzda bastalady

Bilim • 05 Naýryz, 2021

Almatyda «Jyl qusy-2021» kórmesi bastaldy

О́ner • 05 Naýryz, 2021

Ár sala úzdikterine qurmet tanytty

Aımaqtar • 05 Naýryz, 2021

Almaty taýlarynda qar kóshkini júredi

Ekologııa • 05 Naýryz, 2021

Baǵdat Mýsın Shymkentke bardy

Aımaqtar • 05 Naýryz, 2021

Almatyda gashısh satqan azamat ustaldy

Qoǵam • 05 Naýryz, 2021

Rýslan Beketaev jańa qyzmetke taǵaıyndaldy

Taǵaıyndaý • 05 Naýryz, 2021

Qazaqstanda taǵy bir mereke paıda bolady

Qazaqstan • 05 Naýryz, 2021

Grand Slam: Eldos Smetov fınalǵa shyqty

Sport • 05 Naýryz, 2021

Qaraǵandyda jol apatynan 3 adam qaıtys boldy

Aımaqtar • 05 Naýryz, 2021

Uqsas jańalyqtar