Qoǵam • 20 Qańtar, 2021

Jóteldi araq býymen emdeýge bola ma?

401 ret kórsetildi

Telegram qoldanýshylary araqpen tynys alý joly kórsetilgen vıdeo nusqaýlyqty taratýda. Rolık keıipkeriniń aıtýynsha, ol osylaısha jótelden qutylǵan. COVID-19 juqtyrǵanda da osy ádisti qoldaný usynylady. Emdeýdiń bul joly densaýlyq úshin paıdaly ma, zııan ba? Bul suraqtyń jaýabyn pýlmonolog Elena Mırzo aıtyp berdi, dep habarlaıdy Egemen.kz  StopFake.kz saıtyna silteme jasap.

Aıta keteıik, buǵan deıin osy jolmen koronavırýsty emdeýdi orys tektes ıtalııalyq dáriger de usynǵan bolatyn. Ol COVID-19 juqtyrǵan soń araq býymen ıngalıasııa jasaý arqyly tez emdelip shyqqanyn aıtqan. Bul usynystardy ártúrli elderdiń dárigerleri, sonyń ishinde joǵary sanattaǵy tanymal pedıatr Evgenıı Komarovskıı de joqqa shyǵardy. 

2020 jylǵy kóktemde jarııalanǵan vıdeo Youtube-tan óshirildi. Biraq bul ıdeıany ustanýshylar jańa vıdeolar túsirip, áleýmettik jelilerde taratýda.

12 jyldyq tájirıbesi bar pýlmonolog Elena Mırzonyń pikirinshe, «araqpen ıngalıasııa» jasaý em bolmaıdy jáne zııan keltirýi múmkin.

«Araqpen tynys alýǵa bolmaıdy. Spırt býynyń bronhtyń shyryshty qabyǵyna tıgizer áseri týraly klınıkalyq zertteýler kóp. Alkogoldiń áseri bronh demikpesin asqyndyryp jiberedi. Spırt býy tynys alý joldarynyń reaktıvtiliginiń qozdyrǵyshy bolyp tabylady, bronhospazm damýy múmkin. Eshkim de bulaı emdele almaıdy – saý adamdar da, naýqastar da, tynys alý júıesiniń patologııasy bar adamdar da», – deıdi Elena Mırzo.

Vıdeo astynan jazylǵan pikirlerde osy ádisti qoldanýshylardyń biri: «spırt nemese araq býy ókpedegi kóbikti basady. Teksergisi kelgender hımııalyq pnevmonıtti qalaı emdeıdi degen aqparatty izdeńizder» dep jazǵan.

Dárigerdiń aıtýynsha, ókpe isinýi kezinde kóbik paıda bolǵanda spırt qoldanylatyny ras, biraq bul reanımasııa jaǵdaıynda arnaıy jabdyqtyń kómegimen jasalady.

– О́kpe isinýi – kóktamyrlyq gıpertenzııa jáne alveolıarly ókpe isinýi damıtyn jiti solqarynshalyq jetkiliksizdigi. Mundaı pasıentterde – qatty entigý, ysyldaý, kóbiktenetin qaqyryq sııaqty belgiler bolady – bul aýyr jaǵdaı jáne shuǵyl kómek kórsetýdi qajet etedi. Oksıgenoterapııa jáne О́JJ kezinde kóbiktenýdi azaıtý úshin turaqty túrde ottegi bere otyryp, ıngalıasııalyq túrde etıl spırti (30%) qoldanylady. Munyń barlyǵy reanımasııa bólimshesinde gemodınamıkany baqylaı otyryp, medısına qyzmetkerleriniń táýlik boıǵy baqylaýymen júzege asyrylady. Úı jaǵdaıynda olaı isteýge bolmaıdy, – deıdi Qaraǵandy medısına ýnıversıteti klınıkasynyń dárigeri Elena Mırzo.

Dárigerlerdiń atap ótýinshe, úıde araqpen ıngalıasııa jasaý koronavırýstyń aldyn alýda da kómektespeıdi. Bul rette qarapaıym gıgıena saqtaý erejeleri qoldy jıi jýý, maska taǵý jáne ara qashyqtyqty saqtaý kerek.

Sońǵy jańalyqtar

«Barys» utylyp qaldy

Sport • Keshe

Eldos Smetov kúmis aldy

Sport • Keshe

«Qaırat» – qola júldeger

Aımaqtar • Keshe

Kóktemdegi UBT 10-naýryzda bastalady

Bilim • 05 Naýryz, 2021

Almatyda «Jyl qusy-2021» kórmesi bastaldy

О́ner • 05 Naýryz, 2021

Ár sala úzdikterine qurmet tanytty

Aımaqtar • 05 Naýryz, 2021

Almaty taýlarynda qar kóshkini júredi

Ekologııa • 05 Naýryz, 2021

Baǵdat Mýsın Shymkentke bardy

Aımaqtar • 05 Naýryz, 2021

Almatyda gashısh satqan azamat ustaldy

Qoǵam • 05 Naýryz, 2021

Rýslan Beketaev jańa qyzmetke taǵaıyndaldy

Taǵaıyndaý • 05 Naýryz, 2021

Qazaqstanda taǵy bir mereke paıda bolady

Qazaqstan • 05 Naýryz, 2021

Grand Slam: Eldos Smetov fınalǵa shyqty

Sport • 05 Naýryz, 2021

Qaraǵandyda jol apatynan 3 adam qaıtys boldy

Aımaqtar • 05 Naýryz, 2021

Uqsas jańalyqtar