Ekologııa • 20 Qańtar, 2021

Elordada 10 myń dana ekodorba taratylady

18 ret kórsetildi

Nur-Sultan qalasy Jastar saıasaty máseleleri basqarmasy men «Astana jastary» KMM-nyń uıymdastyrýymen elordada «Biz – taza qala úshin!» ekologııalyq aksııa bastaldy. Aksııa aıasynda bir apta ishinde eriktiler «Anvar» gıpermarketiniń kelýshilerine «Eco Friend» JShS óndirgen 10 myńǵa jýyq ekodorba taratady. Bul týraly Egemen.kz Elorda Infoǵa silteme jasap habarlaıdy.

«Eco Friend» JShS shyǵarǵan ekodorba 7 kelige deıingi zatty kóterýge qaýqarly. Sonymen qatar ony bir ret emes, birneshe márte paıdalanýǵa bolady. Negizgi baǵasy – 70 teńge.

«Biz planetanyń taza bolǵanyn qalaımyz. Ekologııanyń tazalyǵyna qoldaý kórsete otyryp, biz jańa deńgeıge ótýimiz kerek. Ekodorbalardy, sómkelerdi qoldana otyryp, biz ekologııaǵa, qorshaǵan ortaǵa, tabıǵatqa paıdamyzdy tıgize alamyz. «Anvar» saýda jelisi ótinishimizdi qabyl alyp, osy aksııaǵa qatysyp jatyr. Jalpy, turǵyndar osy dorbany paıdalaný arqyly atmosferaǵa zııan tıgizetin polıetılendik dorbalardan aryla alady. Ekodorbanyń taǵy bir tıimdiligi ony qaıta óńdeýge bolady», dedi «Eco Friend» JShS negizin qalaýshy Alma Tólebaeva.

Onyń aıtýynsha, atalǵan kompanııa aı saıyn 700 myń ekodorba shyǵarady. Zaýyt elordada ornalasqan. Zamanaýı qural-jabdyqpen qamtamasyz etilgen. Naryqta jumys istep kele jatqanyna eki jyl bolǵan.

Uıymdastyrýshylar bul ekologııalyq aksııanyń jyl boıy jalǵasatynyn atap ótti.

Nur-Sultan qalasy ákimdiginiń «Astana jastary» KMM basshysynyń orynbasary Aıan Ermentaevtyń aıtýynsha, bul naýqan alda SMALL sııaqty basqa da Nur-Sultan qalasyndaǵy birqatar sýpermarketter men gıpermarketterde ótkiziledi.

Sońǵy jańalyqtar

Jańa basylym – jaqsylyqtyń jarshysy

Rýhanııat • Búgin, 18:34

Koronavırýs gúl arqyly juǵa ma?

Koronavırýs • Búgin, 17:08

Almatyda páter urylary ustaldy

Aımaqtar • Búgin, 16:37

Oralda 17 jastaǵy jigit kópirden sekirdi

Aımaqtar • Búgin, 15:18

«Nissan Primera» kóligi jylqy soqty

Aımaqtar • Búgin, 13:25

Uqsas jańalyqtar