Zeınetaqy jınaqtarynyń negizgi somasy mindetti zeınetaqy jarnalary (MZJ) esebinen jınaqtalyp, onyń mólsheri 12,6 trln teńge (2020 jyldyń basynan bergi ósim – 19%) boldy. Mindetti kásiptik zeınetaqy jarnalary (MKZJ) boıynsha zeınetaqy jınaqtarynyń somasy 315,3 mlrd teńgege (ósim 28%), al erikti zeınetaqy jarnalary (EZJ) boıynsha zeınetaqy jınaqtarynyń somasy 2,2 mlrd teńgege (ósim 12%) jetti.
2020 jyldyń 1 qańtarynan bastap 2021 jyldyń 1 qańtaryna deıingi kezeń ishinde BJZQ salymshylarynyń shottaryna 1,2 trln teńge taza ınvestısııalyq tabys esepteldi. Bul 2019 jyldyń sáıkes kezeńimen salystyrǵanda 578,1 mlrd teńgege (ósim 90%) artyq. Investısııalyq tabystyń bul joly da zeınetaqy jarnalarynyń somasynan asyp túskenin atap ótken jón.
2020 jyldyń basynan beri salymshylardyń shottaryna jalpy kólemi 1,1 trln teńge zeınetaqy jarnalary aýdaryldy, ol 2019 jylǵy kórsetkishten 94,8 mlrd teńgege nemese 10% asyp tústi. Jarnalardyń jalpy kóleminiń 95,6 paıyzyn BJZQ-ǵa MZJ boıynsha aýdarylǵan 1,04 trln teńge mólsherindegi túsimder (ósim 10%) quraıdy. 46,9 mlrd teńgeniń aýdarymy MKZJ boıynsha (ósim 8%) jasalsa, 539 mıllıon teńge EZJ boıynsha (ósim 51%) aýdarylǵan.
BJZQ-daǵy jeke zeınetaqy shottarynyń sany 2021 jyldyń 1 qańtarynda 11,6 mıllıon birlikti (jyl basynan bergi ósim 10% ) qurady. Shottardyń basym bóligi mindetti zeınetaqy jarnalary (MZJ) boıynsha ashylǵan, olardyń sany – 10 981 218 (ósim – 11%). Odan keıin mindetti kásiptik zeınetaqy jarnalary (MKZJ) esebinen qalyptastyrylǵan shottar – 528 283 (ósim – 4%). BJZQ-daǵy erikti zeınetaqy jarnalary (EZJ) boıynsha ashylǵan shottardyń sany qazir 57 645 birlik (ósim – 6%).
Tólemder 193,4 mlrd teńgeni qurady. Onyń basym bóligi, atap aıtqanda 35% jasy boıynsha tólemder (67,7 mlrd teńge), saqtandyrý uıymdaryna aýdarymdar (46,3 mlrd teńge), Qazaqstan Respýblıkasynan tys TTJ ketý (36,8 mlrd teńge), muragerlerge (36,5 mlrd teńge), jerleýge (4,4 mlrd teńge) , múgedektik boıynsha (1,7 mlrd teńge) berilgen tólemder.
