Departament málimetinshe, keshe keshki saǵat 19:15 kezinde Nur-Sultan qalasynyń Jedel basqarý ortalyǵyna kólikke janarmaı quıý stansasynyń qasyndaǵy kópirden er adamnyń sekirýge árekettenip turǵany týraly habarlama kelip túsken. Budan soń patrýldik polısııanyń eki ekıpajy oqıǵa ornyna úsh mınýtta kelip jetken.
«Jas jigit kópir taıanyshyn ustap, temir jolǵa sekirýge daıyndalyp turdy. Jaǵdaıdy baǵalaǵan polıseıler jigitpen alystan sóılesip, kóńilin basqaǵa aýdarmaq boldy. Osy ýaqytta patrýldik polısııa qyzmetkeri Jandos Turashev ońtaıly sátti paıdalanyp, jigitke jaqynyraq kelip, ony qatty qapsyryp ustap aldy. Jas jigit qarsylyq tanytyp, bastaǵan isin aıaqtamaq bolǵan. Polıseılerdiń jedel ári retke keltirilgen is-áreketiniń arqasynda er adamnyń ómiri aman qaldy», delingen habarlamada.
26 jastaǵy turǵyn qalalyq aýrýhanaǵa jetkizilgen, onda oǵan medısınalyq jáne psıhologııalyq kómek kórsetildi.
