Tóle bı APB-niń kezekshi bólimine jergilikti turǵyn aryzdanady. Er adamnyń aıtýynsha, onyń jubaıy tańǵy saǵat 07:15 shamasynda úıinen aýrýhanaǵa kettim dep shyǵyp, qaıta oralmaǵan. Osylaısha áıelimen esh baılanysa almaı, habar-osharsyz qalǵan er adam ózdiginen izdeı bastaıdy. Ata-anasy men jaqyn týystarynyń úıine barmaǵanyn bilgennen keıin polıseılerge aryzdanyp, kómek suraıdy.
Tártip saqshylary aqparat alysymen joǵalǵan áıeldi izdestirýge kirisedi. Kórgen-bilgenderden, tanystarynan jaýap alyp, onyń barýy múmkin jerler muqııat tekseriledi. Jan-jaqty qajetti sharalar iske asyrylady.
Jedel-izdestirý jumystarynyń nátıjesinde, polıseıler bes saǵat ishinde jas áıeldi Saıram aýdanynan eshqandaı týystyq ne tanystyq qatynasy joq belgisiz azamatshanyń úıinde júrgen jerinen tabady.
Polıseıler ony týǵan anasyna aman-esen tapsyrdy. Tekserý barysynda anyqtalǵandaı, 2018 jyly otaý qurǵan jas jubaılar arasynda otbasylyq kıkiljiń oryn alyp, sodan kúıeýine renjigen áıel úıinen ketip qalǵan. Qazirgi tańda erli-zaıyptylarǵa túsindirme jumystary júrgizilip, áıel aman-esen úıine qaıtaryldy.
О́z kezeginde anasy, qyzyn taýyp bergen polıseılerge alǵysyn bildirip, jumystaryna tabys tiledi.
