Joba belsendi azamattar men jeke kompanııalarǵa, qoǵamdyq birlestikterge jáne qala ákimdiginiń salalyq qurylymdaryna birigip jumys isteýge múmkindik beredi. Jumys úsh baǵyt boıynsha júrgiziledi: TKSh (MIB) salasy, qalanyń sanıtarlyq tazalyǵy (kógaldandyrý) jáne qoǵamdyq kólik.
Koronavırýs pandemııasyna qaramastan qalalyq akseleratorlyq damý boıynsha elorda ákimdigi jumysty toqtatqan emes. Búgin elorda ákimi Altaı Kólginov onlaın rejıminde akseleratorlyq damý jumys tobynyń qatysýshylarymen kezdesý ótkizip, mańyzdy máselelerdi talqylady.
Birinshi. MIB-ti (menshik ıeleri birlestigi) engizý boıynsha jumys jalǵasyp keledi. Elordada 198 MIB qurylǵan. Búgin qala turǵyndary qajetti aqparatty ala alatyn ortaq alań qurý máselesi kóterildi. Sonymen qatar olarǵa TKSh salasynda zańdyq, keńes turǵyda jáne tehnıkalyq qoldaý kórsetiledi. Bul rette túsindirý jumystaryn júrgizý mańyzdy.
Ekinshi. L.N.Gýmılev atyndaǵy EUÝ bazasyndaǵy kópqabatty turǵyn úılerdi basqarý jáne kútip ustaý boıynsha «Qalalyq moderator» baǵdarlamasy arqyly TKSh salasyndaǵy qyzmetkerlerdiń biliktiligin arttyramyz. Sonymen qatar MIB jumysy boıynsha tájirıbesimen bólise alatyn mamandardy tartý jóninde IQamal qaýymdastyǵynan da usynys kelip tústi.
Úshinshi. Sondaı-aq qoǵamdyq kólikter ıntervaly men ýaqytyn qysqartý da qalalyq akseleratoryn damytý jumysynyń ońdy nátıjesi bolyp sanalady. Sonymen, turǵyndarǵa júrgizilgen saýalnamaǵa sáıkes, 5 avtobýstyń qozǵalys syzbasy túzetilip, kólikti kútý ýaqyty 5-12 mınýtqa qysqardy. Sonymen qatar kelip túsken ótinishterge sáıkes, S.Seıfýllın jáne Sh.Ýálıhanov kósheleriniń qıylysyndaǵy solǵa qaraı burylysta qoǵamdyq kólikterdiń júrgizýshilerinen basqa avtokólik tizginshilerine tyıym salyndy. Bul kólik nópiri kezinde avtobýs kútý ýaqytyn qysqartyp, atalǵan ýchaskeni jeńildetýge múmkindik beredi.
Tórtinshi. О́tken jyldyń kúzinde «Baspana ortalyǵy» ashyldy (Respýblıka dańǵyly, 32), onda turǵyndar «bir tereze» qaǵıdasy boıynsha turǵyn úı salasy jóninde memlekettik qyzmet ala alady. Ortalyq ashylǵannan keıingi 3 aı ishinde ortalyqqa 15 myń turǵyn júgindi.
