Shymkentte TOP-10 ınvestısııalyq jobalar iske asady

Aımaqtar • 20 Qańtar, 2021

Shymkentte TOP-10 ınvestısııalyq jobalar iske asady

81 ret kórsetildi

Shymkent qalasynda 2021-2025 jyldarda iske asyrylatyn TOP-10 ınvestısııalyq jobalar qalyptastyryldy, dep habarlaıdy Egemen.kz.

Marzhan Tileubekova

Atap aıtqanda:

BIRINShI - «Shymkent Sıtı» aýmaǵynan Ońtústik Koreıalyq ınvestorlardyń qatysýymen «Highvill Kazakhstan» kompanııasynyń kópqabatty turǵyn úıler kesheni. Atalǵan jobany júzege asyrý úshin 49 gektar jer telimi bólindi. Investısııa kólemi 387 mlrd teńgeni quraıdy. Búginde úlestik qatysý jáne jer telimderin satyp alýdy jalǵa alý quqyǵy boıynsha jumystar júrgizilýde.

EKINShI - «Ýnıversıtetskaıa klınıka» JShS-nyń 1000 oryndyq ýnıversıtet klınıkasy men aýysymyna 700 adam qabyldaıtyn emhana qurylysy. Joba 2023 jyly iske asyrylyp, qalaǵa 120,3 mlrd. teńgege ınvestısııa tartylady. Jobanyń qujattary memlekettik saraptamaǵa joldanyp, eskertýler (jol jáne káriz júıeleri) boıynsha tıisti jumystar atqarylýda. 150 ga jer telimine memlekettik Akt alyndy.

ÚShINShI - «Shymkentskaıa hımıcheskaıa kompanııa» JShS-nyń metıl-tret-býtıl efıri men untaq propılen óndirý zaýyty qurylysynyń birinshi jobasy 2021 jyly 2-toqsanynda iske asyrylyp, jańa 150 jumys oryndarymen, qalaǵa 11 mlrd teńgege ınvestısııa tartylatyn bolady. Atalǵan jobanyń birinshi kezeńi júzege asyrylýda, sondaı-aq, iske qosý-baptaý jáne jabdyqty ornalastyrý jumystary júrgizilýde.

TО́RTINShI - «KazAlPack» JShS-nyń alıýmınıı ydys óndirisi. Joba boıynsha qalaǵa 19,7 mlrd teńge ınvestısııa tartyp, 157 jańa jumys ornymen qamtylýy josparlanýda. 2021 jyldyń 4-toqsanynda iske asady dep josparlanyp otyr. Búginde jobanyń qurylys-montaj jumystary 50% aıaqtaldy. Jobaǵa qajetti jabdyqtardyń negizgileri jetkizildi.

BESINShI - qytaılyq ınvestorlardyń qatysýymen quny 18,2 mlrd teńgege teń, jańa 250 jumys oryndarymen qamtıtyn metallýrgııalyq zaýyty. 2020 jyldyń qyrkúıek aıynda zaýyt synaq rejıminde iske qosyldy. Zaýyttyń tolyq iske qosylýy 2021 jyldyń 1-toqsanyna josparlanǵan.

ALTYNShY - «SCAT «ÁK» AQ-nyń halyqaralyq áýejaıdyń jańa jolaýshylar termınal qurylysynyń jobasy 2021 jyldyń 4-toqsanynda iske asyrylyp, qalaǵa 16,7 mlrd. teńgege ınvestısııa tartylady. Qala turǵyndary 100 jańa jumys oryndarymen qamtylatyn bolady. Qazirgi ýaqytta qurylys-montajdaý jumystarynyń 40%-y ǵana aıaqtaldy. Qazaqstan Respýblıkasy Syrtqy ister mınıstrligi Investısııa komıtetimen ınvestısııalyq kelisim jasasý úshin bıznes-jospar ázirlenýde.

JETINShI - «Asia trafo» JShS-nyń qýattylyǵy 220, 500 kV quraıtyn transformator zaýyty. Joba 2022 jyly iske asyrylyp, jańa 250 jumys oryndarymen, qala ekonomıkasyna 18,0 mlrd teńgege ınvestısııa tartylady. Jobany iske asyrý úshin «Alageum Electric» kompanııasymen birge marketıngtik taldaý jumystary júrgizilýde.

SEGIZINShI - «Standart Steel» JShS-nyń tústi metall konsentratyn alý úshin qaldyqtardy qaıta óńdeý zaýyty. Joba aǵymdaǵy jyly iske asyrylyp, 8,5 mlrd teńgege ınvestısııa tartylady. Nátıjesinde 400 jańa jumys orny qurylady. Qazirgi ýaqytta jobalyq-smetalyq qujattamasy memlekettik saraptama qaraýynda. Jobanyń iske asý merzimi 2021 jyldyń 3-toqsany.

TOǴYZYNShY - «ONGUD GROUP CO.LTD» JShS-nyń teriden aıaq kıim jáne basqa da buıymdar óndirisiniń jobasy 2023 jyly iske asyrylady dep kózdelýde. Jobanyń jalpy quny 3,8 mlrd teńge, jańa jumys oryndarynyń sany – 200. Qazirgi tańǵa, jobaǵa qajet 6 ga jer telimi bólinip, qorshaý jumystary júrgizilýde. Zaýyttyń qurylysy jumystarynyń bastalýy aǵymdaǵy jyldyń 2-toqsanyna josparlanýda.

ONYNShY - О́zbek ınvestorymen birlesken «Dentafill Kazakhstan» JShS-niń dári-dármek jáne gıgıenalyq quraldardyń óndirisi. Jobanyń jalpy quny 2,5 mlrd teńgeni quraıdy. 2021 jyldyń 3-toqsanynda júzege asyrylyp, jańa 90 jumys oryndarymen qamtylady.