Qazaqstan • 21 Qańtar, 2021

«Qazmunaıgaz» 2020 jyly qarjylyq turaqtylyqty arttyrdy

20 ret kórsetildi

«Samuryq – Qazyna» AQ basshysy Ahmetjan Esimovtyń tóraǵalyq etýimen «QazMunaıGaz» UK» AQ-nyń 2020 jylǵy jumysynyń aldyn ala qorytyndylary tyńdaldy. Munaı baǵasynyń kúrt quldyraýyna jáne OPEC+  kelisiminiń áserine qaramastan, kompanııanyń óndiristik ujymdary shtattyq rejımde jumys istedi, bul turaqty áleýmettik jaǵdaıdy qamtamasyz etýge múmkindik berdi, dep habarlaıdy Egemen.kz.

«QazMunaıGaz» UK» AQ qarjylyq turaqtylyǵyn saqtap qaldy, operasııalyq jáne kúrdeli shyǵystardy edáýir qysqartyp, boryshtyq júktemeni 472 mln AQSh dollaryna tómendetti, sondaı-aq eýrooblıgasııalardy 907 mln AQSh dollaryna qaıta qarjylandyrýdy júrgizdi.

Ekonomıkalyq daǵdarysqa qaramastan, kompanııa qyzmeti belsendi túrde jalǵasty. Máselen, jeltoqsan aıynda Shyǵys О́riktaý ken ornynda eki uńǵyma tájirıbelik paıdalanýǵa berildi. Mańǵystaý oblysyndaǵy Shyǵys Bekturly barlaý blogynda jáne Atyraý oblysyndaǵy S.Nurjanov ken ornynda burqaqty munaı aǵyny alyndy. Atyraý oblysynda 2020 jyly 53% -dan 80% -ǵa deıin ósken gaz-hımııa kesheniniń qurylysynda aıtarlyqtaı jetistikterge qol jetkizildi.

Aǵymdaǵy jyly kompanııa óziniń kúsh-jigerin geologııalyq barlaýǵa ınvestısııalar tartýǵa, iri jobalardy iske asyrýǵa jáne turaqty damý maqsattaryna qol jetkizýge shoǵyrlandyrýǵa nıetti.

Sońǵy jańalyqtar

Aq úıdiń alǵashqy meımany

Álem • Búgin, 12:15

ShQO-da mal urylary ustaldy

Aımaqtar • Búgin, 11:00

Uqsas jańalyqtar