«Elbasynyń «Bes áleýmettik bastamasyndaǵy» negizgi mindettiń biri — stýdent jastardyń jaǵdaıyn jaqsartý. Ol úshin qaladaǵy joǵary oqý oryndary jataqhana qurylysyn bastap ketti. D. Qonaev atyndaǵy Eýrazııalyq Zań Akademııasynda ashylǵaly jatqan kópsalaly keshende boldym. 100 stýdentke arnalǵan oryn, oqytýshylarǵa arnalǵan bólmeler, sondaı-aq turmysqa qajet ashana, kir jýatyn oryn, kitaphana, medpýnkt, ınternet-synyptar qarastyrylǵan», dep jazdy ákim.
⠀
Onyń aıtýynsha, sońǵy eki jylda joǵary oqý oryndary 1,5 myń orynǵa jýyq 5 jataqhana salyp, jańǵyrtqan.
«Bıyl 1,7 myń stýdentke arnalǵan taǵy eki ǵımarattyń qurylysy bastaldy. Almaty — jastar qalasy. Sondyqtan bilim alyp júrgen jastardyń ómir súrý men turmys jaǵdaıyn jaqsartý boıynsha jumystardy jalǵastyra beremiz», delingen jazbada.
