Qazaqstan men Túrkııa eki el basshysy arasyndaǵy dostyq pen senim qarym-qatynas negizinde qurylǵan kópjosparly strategııalyq yntymaqtastyqty damytý men nyǵaıtýdy jalǵastyrady. Qorǵanys aýqymy ekijaqty ózara is-qımyldyń negizgi aspektisi bolyp tabylady.
Búgingi kúni qorǵanys vedomstvolarynyń ózara qarym-qatynasy áskerler men arnaıy operasııalar kúshterin daıarlaý, barlaý jáne soqqy berýshi ushqyshsyz ushý qurylǵylaryn qoldaný taktıkalary aýqymynda qol jetkizgen ýaǵdalastyq aıasynda júzege asyrylady.
Kezdesý barysynda qorǵanys mınıstri Nurlan Ermekbaev birlesken kásiporyndardy qurýdaǵy, QR Tuńǵysh Prezıdenti – Elbasy atyndaǵy Ulttyq qorǵanys ýnıversıtetinde, sonymen qatar Túrkııa áskerı oqý oryndarynda bilikti mamandardy daıarlaýdaǵy áskerı-tehnıkalyq yntymaqtastyqtyń mańyzyn atap ótti.
Qorǵanys mınıstriniń orynbasary general-maıor Muhamedjan Talasov túrik áriptesi Muhsın Deremen kezdesý barysynda túrik eliniń iri qorǵanys kompanııalarymen yntymaqtastyq máselelerin talqylaǵan bolatyn.
Taraptar qazaqstandyq kásiporyndardyń birinde qyzmet kórsetýin odan ári oqshaýlaý arqyly, ushqyshsyz ushý apparattarynyń túrlerin satyp alý, sondaı-aq Túrkııanyń brondy tank qarý-jaraǵyn shyǵaratyn kásiporyndardyń múmkindigimen tanysý máselelerin talqylady.
Túrik delegasııasynyń Ulttyq qorǵanys ýnıversıtetin aralaý barysynda áskerı bilim berý sheńberindegi yntymaqtastyq talqylandy. Qonaqtar Ulttyq qorǵanys ýnıversıtetiniń oqý-materıaldyq bazasymen jáne JOO-nyń damý perspektıvalarymen tanysty.
