Almaty qalalyq PD Jergilikti polısııa qyzmeti basqarmasynyń bastyǵy Manap Sattarovtyń aıtýynsha, qalada 1 myń 899 qoǵamdyq kólikke ıe 21 avtopark bar. Bıylǵy jyldyń qańtarynda qoǵamdyq kólik júrgizýshileri jol qozǵalysy erejelerin buzýdyń 280-nen astam deregine jol bergen. Olar kóbinese kólik quralyn basqarý kezinde uıaly telefonmen sóılesýge (110 fakt), sondaı-aq manevr jasaý erejelerin buzýǵa (114 fakt) jol beredi.
- Patrýldik polısııa qoǵamdyq kólik júrgizýshileri tarapynan kelesi zań buzýshylyqtardy anyqtady: jolaýshylardy tasymaldaý erejelerin buzý (QR ÁQBtK-niń 571-babynyń 2 jáne 3-bólikteri) – 13 fakt, kólik quralyn tıisti ruqsatsyz qaıta jabdyqtaý (QR ÁQBtK-niń 590-babynyń 7-bóligi) – 5 fakt, jol júrý aldyndaǵy tehnıkalyq baıqaýdyń bolmaýy (QR ÁQBtK-niń 590-babynyń 8-bóligi) – 12, mindetti tehnıkalyq baıqaýdyń bolmaýy (QR ÁQBtK-niń 590-babynyń 9-bóligi) – 5, qarama-qarsy jolaqqa ótý (QR ÁQBtK-niń 596-babynyń 3-bóligi) – 3, jumys jáne demalys rejımin buzý (QR ÁQBtK-niń 572-babynyń 2-bóligi). Sonymen qatar, avtopark basshylarynyń ishinen jeti laýazymdy tulǵa ákimshilik jaýapkershilikke tartyldy, – dedi ol.
