Dúnıejúzilik saılaý kúni aqpannyń alǵashqy beısenbisinde atap ótiledi. Bul kún 2005 jyly ótken saılaý uıymdarynyń konferensııasynda bekitilgen.
Is-sharaǵa qalalyq saılaý komıssııasynyń, ákimdik, máslıhat jáne saıası partııa fılıaldarynyń ókilderi qatysty.
«Bul kún azamattardyń saılaý quqyǵyn qamtamasyz etýge jáne saılaý prosesterin jetildirý problemasyna jurtshylyq nazaryn aýdarý úshin arnalǵan. Sol sııaqty álemdik demokratııa prosesin nyǵaıtýǵa, saılaý týraly túsinikti keńeıtýge jáne saılaýshylardyń daýys berýge qyzyǵýshylyǵyn arttyrýǵa baǵyttalǵan», - dedi Baqyt Bektemisova.
Elorda máslıhatynyń hatshysy Erlan Qanalımov taıaýdaǵy saılaýdyń qorytyndylaryna toqtalyp ótti.
«Parlament Májilisi men máslıhat depýtattarynyń saılaýy elordada bes saıası partııa ókilderi men baqylaýshylardyń qatysýymen joǵary deńgeıde ótti. Quqyqtyq tártip pen epıdemıologııalyq qaýipsizdikti qamtamasyz etýde polısııa jáne TJ departamentteriniń qyzmetkerleri, sondaı-aq dárigerler úlken qoldaý kórsetti. Barlyq qabyldanǵan sharalardyń arqasynda saılaýshylardyń kóptep kelýine qol jetkizdik», - dedi Erlan Qanalımov.
Dóńgelek ústel barysynda qatysýshylar óz usynystaryn aıtyp, saılaý prosesin uıymdastyrý salasyndaǵy otandyq zańnamany jetildirý jónindegi sharalardy talqylady.
